Algeria
Da Wikipedia, ła ençiclopedia libara.
| Algeria | |||||||||
|---|---|---|---|---|---|---|---|---|---|
|
|||||||||
| Motto: Dal popolo, per il popolo | |||||||||
|
|
|||||||||
| Informazsion | |||||||||
| Nome par intiero: | Repubblica Democratica Popolare di Algeria | ||||||||
| Nome ufizsiałe: | Al Jumhūriyya al Jazā'iriyya ad Dīmuqrāţiyya al-Sha'biyya |
||||||||
| Łéngoa uficiałe: | Arabo, usati il berbero e il francese | ||||||||
| Cavedal: | Algeri (1.507.241 ab. / 1987) | ||||||||
| Politica | |||||||||
| Governo: | Repubblica | ||||||||
| Capo de stato: | Abdelaziz Bouteflika | ||||||||
| Capo de governo: | Abdelaziz Belkhadem | ||||||||
| Indipendenzsa: | Dalla Francia il 5 luglio 1962 | ||||||||
| Ingreso a l'ONU: | 8 ottobre 1962 | ||||||||
| Area | |||||||||
| Totale: | 2.381.741 km² | ||||||||
| Pos. nel mondo: | 11° | ||||||||
| % delle acque: | trascurabile % | ||||||||
| Popolazione | |||||||||
| Totałe: | 33.190.000 ab. (2007) | ||||||||
| Pos. nel mondo: | 34° | ||||||||
| Densità: | 13,3 ab./km² | ||||||||
| Geografia | |||||||||
| Continente: | Africa | ||||||||
| Fuxo oràrio: | UTC +1 (CET) | ||||||||
| Economia | |||||||||
| Vałuta: | Dinaro Algerino | ||||||||
| Energia: | 0,08 kW/ab. | ||||||||
| Varie | |||||||||
| TLD: | .dz | ||||||||
| Prefiso tełef.: | +213 | ||||||||
| Sigla autom.: | |||||||||
| Ino nazsionałe: | {{{inno}}} | ||||||||
| Festa nazsionałe: | 1 novembre | ||||||||
|
|
|||||||||
L'Algeria xe no stato de l'Africa del nord e fa parte del Maghreb.. El nome ofizsial xe Republica Popolare Democratica de l'Algeria. L'Algeria xe la seconda nazsion africana par grandeza. La confina co la Tunisia, la Libia, el Niger, el Mali, la Mauritania, el teritorio de la Republica Araba Saharawi e el Maroco. La cavedal xe Algeri.
Indice |
[modifica] Storia
 |
Par savérghene piesè, varda ła vóxe Storia de l'Algeria. |
El teritorio che ancò conosemo come Algeria xe stà abità sin da i tempi preistorici. I primi abitanti certi xe i imazighen. Sta nazsion gha abità l'Algeria fin da diezse secoli prima de Cristo. I greci i le ciamava barbaroi - senza cultura - da do vien el nome berberi. Con la cresita de la potenzsa de Cartagine, i berberi i xe stà sotomesi, fin al tempo de le Guere Puniche quandi i berberi gha fondà el regno de la Numidia. I romani gha conquistà la Numidia nel 200 AC e gha mantegnù el control fin a l'arivo de i vandali. Dopo i vandali, el imperator de Bisanzsio controlaa la region fin a l'arivo de i arabi nel secolo VIII de la nostra era. Co i arabi e rivà en tel nord de l'Africa, i berberi gha resistio l'invasion, anca se i gha cetà la fede islamica. La dinastia berbera de i Rustamidi gha unificà l'Algeria e conquistà l'Egito. Le dinastie seguenti, i Almoravidi e i Almohadi, gha regnà e portà la pace. Dopo la fin del periodo de i almohadi, le dinastie tunisine (Hafsidi), marochine (Marinidi) e algerine (Zayyanidi) i gha combatuo par el control de la regione. I spagnoli i controlaa la costa ne i secoli XV e XVI. I francexi gha invaso Algeri en tel 1830. La guera de conquista la fu longa e vilenta, el 30% de la oppolazsion civile xe stà copà da i francexi. I emiri Abdelkader, Ahmed Bey e Fatma N'Soumer gha guidà la resistenza che la durò fin al 1902. I francexi gha confiscà la tera comune e ghe la data a i coloni francexi, italiani e spagnoli. La produzsion agricola la crescea, ma la popolazion locale l'è diventà poareta e senza tera. Tuti i bianchi e i ebrei sefardici xe stà reconosù come citadini francexi, mentre la magioranza musulmana no la gha recevù nisun riconosimento. En tel 1954, el Fronte Nazsional de Liberazsion (FNL) gha tacà la guerilia contro i francexi. La guera l'è finia nel 1962 co l'indipendenza de l'Algeria. El primo presidente xe stà Ahmed Ben Bella, che gha perso la presidenza durante el colpo de stato de Houari Boumédienne en tel 1965. Boumédienne gha nazsionalizà la tera e la produzsion agricola. Soto de lu, el paexe sa meso nel movimento dei i paexi non alineadi, e gha scomizià la guera freda col Maroco. Co la morte de Boumédienne nel 1978, Chadli Bendjedid l'è salì al poder. Soto de lu, i berberi gha scominzsià a domandare i so diriti e i integralisti islamici volea la sheria (legge islamica). Le proteste de piasa e ne le uiversità gha portà a la fin del partito unico nel 1988 e a le nove elezsioni en tel 1991. I islamici gha vinto le elezsini e l'esercito l'è intervegnù. La guera civil xe scominzià così, i islamici contro l'esercito e altri grupi. En diexe ani, pì de dozentomila persone xe morte par la violenza. Nel 1999, Abdelaziz Bouteflika fu eleto presidente e la guera civile l'è finia dopo un par de ani. I berberi I xe stà riconosudi e la loro lengoa, el tamazight, xe lengoa nazsional dal 2002.
[modifica] Giografia
|
Par savérghene piesè, varda ła vóxe Giografia de l'Algeria. |
La costa xe colinosa e con pochi porti naturali. Al sud ghe la catena de l'Atlas e l'altipian de Ahaggar. La majoria del teritorio fa parte del deserto del Sahara.
[modifica] Economia
El pi importante setor xe quel petrolifero, 60% de le entrate nazsionali. Ghe riserve par 12 miliardi de barili de petrolio e 6 biliardi de metri cubi de gas. El 10% de la popolazsion laora ne l'agricultura (olive, cotone, tabaco, palme da fibra, fighi, sughero).
[modifica] Popolazsion
El 99% de la popolazsion xe araba/berbera. La majoria asoluta xe de origine berbere, ma ghe tanti che se considera arabi de cultura. I berberi se divide in grupi: kabilia, chaoui, mozabiti, e tuareg. El resto xe ebrei sefarditi e eoropei.
[modifica] Religion
Escluse le minoranze catolega (50,000 fedeli) e ebrea (200,000 fedeli) la popolazsion xe islamica.
[modifica] Curiosità
El nome Algeria vien da el nome de la cavedal al-Jazir, che vol dire le isole. Na olta ghera quatro isole rente de la costa, le se ciamava al-jazir Ban Mazghann, le isole de Bani Mazghanna. Da sto nome l'è vegnù al-Jazir, a l'eoropea Algeri.
Portałe Africa: varda łe altre voxe de Wikipedia che łe parla de Africa
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Mali |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Centrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Franzsa)| Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
