Mar Roso
Da Wikipedia, ła ençiclopedia libara.
El Mar Roso se pol considerarlo come na propagine de l’Oceano Indiano ntorno a la Penisola del Sinai. Par le so carateristiche, se pol anca vedarlo come on mar separà da l’Oceano, co el quale comunica en tel Golfo de Aden. El Mar Roso ocupa n’area de mezso milion de km², e el gha na profondità maxima de 2.500 mt. La so profondità media la xe de 500 mt. El Mar Roso el xe el mar tropical pi a nord de tuti e el xe abità da pi de 1.000 specie de invertebrati e pi de 200 tipi de coralo. Par questo el xe anca molto frequentà da i subaquei.
[modifica] Nome
I greci i le ciamava Ἒρυτρα ϑάλασσα (Erythra Thalassa), i romani Mare Rubrum, tuti e do i nomi vol dir mar de colore roso. El nome el vien da el color de le rive a primavera, co de i bateri rosi i se svilupa e ghe dà el carateristico color a l’acqua. I swahili i le ciama Bahari ya Shamu, e i ebrei Yan Suph. Tute e do i nomi i vol dir el mar de le cane, che el se riferise a i caneti che se cata su le rive salmastre, specialmente su la costa de la penisola araba.
[modifica] Storia
El Mar Roso el xe stà speso testimone de eventi storici antichi. El pasagio de i ebrei soto la direzsion de Mosé el xe forse el pi famoso fato storico. Bisogna parò tegnar conto che la Bibia la parla de el Mar Roso. Ma che i ebrei i xe facilmente pasà da na zona paludosa (caneto = mar de le cane) su l’istmo tra Egito e Sinai, el nome gavaria creà la confusion. Bisogna anca tegnar en conto che en ebraico no ghe distinzsion tra mar e lago. I antichi egizsiani i gha esplorà le rive e i gavea na flota mercantile che la navigana en sto mar. I greci i le usava par rivar en Eritrea e andar a le indie. I fenici, i xe pasà de quà par far el periplo de l’Africa. I egizsiani e i romani i volea far on canal par metar el Mar Roso en comunicazsion co el Mediteraneo. Anca i venexiani i gavea fato la stesa proposta a i mameluchi par poder far marcà co l’India e tajar fora i progeti de espansion de portoghexi, olandexi e inglexi. I progeti del Canal de Suez i xe stà preparà da Luigi Negrelli, trentin de Fiera de Primiero, e la realizazsion pratica la xe stà fata da Ferdinand de Lepess en tel 1869.
[modifica] Origine
Co l’Arabia la sa stacà da l’Africa par el movimento de le plache tetoniche, l’acqua de l’Oceano Indian le xe entrade en te la fesura. El Mar Roso el stà ancora slargandose. La Rift Valley la pasa soto el mar.