Japan
Us der alemannische Wikipedia, der freie Dialäkt-Enzyklopedy
|
|||
| Amtsspraach | Japanisch | ||
| Houptstadt | Tokyo (ynternazyonaau o Tokio) (東京 Tōkyō) | ||
| Staatsform | Parlamentaareschi Monarchyy | ||
| Kayser (Tennō) | Akihito (明仁) | ||
| Minischterpresydent | Yasuo Fukuda (福田康夫) | ||
| Flächi 2 | 377.835 km² | ||
| Yywoonerzaau | 127.417.244 (July 2005) | ||
| Bevöükerigsdichti | 337 Yywooner pro km² | ||
| BIP/Yywooner | 37.566 US-$ (2005) | ||
| Gäüd | Yen (円 En) | ||
| Zyttzoona | UTC+9 | ||
| Nozyonaauhümne | Kimi Ga Yo (君が代) | ||
| Chraftfaarzüügskennziiche | J | ||
| Internet-TLD | .jp | ||
| Vorwaau | +81 | ||
| (1) Japan het offyziell kis Nazyonaauwappe, bruucht aber meischtens ds Kayserlicha Sigù | |||
| (2) oni di umschtrittene Kuryyle | |||
 |
|||
 |
|||
 |
Dialäkt: Seislertütsch |
Japan (jpn. 日本 Nihon/Nippon; lose ) isch na Yndoneesie, Madagaskar ù Papua-Neuguinea de viertgrööschta Insùstaat vo de Wäüt. Är ligt im Pazyyfyk vor de Kǜschta vo Rùsslann ù Korea.
De Landesnaame setzt sich ùs de Ziiche 日 (Usspraach ni, i de Bedüttig „Taag“ oder „Sùna“) ù 本 (Usspraach hon, i de Bedüttig „Uursprùng“ oder „Wùrzla“) zäme. Japan isch deshaub o bekannt ùs „Lann vo de ufgangendi Sùna“. Sowoou de früüera mütholoogischa Naame Cipangu aus o Japan liite sich vermuetlech vo de chyneeseschi Usspraach vo de Schrǜftziiche (chyn. 日本國 rìbĕnguó) ab.
[ändere] Geography
Japan isch en Insuchetti wo sich imene Boge öschtlich vo Asie erschtreckt. Si bestohd us vier Hauptinsle, Hokkaidō im Norde, Honshū wo di gröscht Inslen isch, Shikoku di chlinschti vo de Hauptinsle und schliesslich im Süde Kyūshū. Zu Japan ghören au di südlich aaschliessende Ryūkyū Insle mit de Hauptinsle Okinawa
De gröscht Teil vo Japan isch gebirgig, de höchscht Bärg isch de mit 3776 m über Meer de Fuji-san, e Vulkan uf Honshū.
[ändere] Klima
Wil s' Land e zimmli längi Nord-Süd Usdeenig het, hets au e grossi Bandbreiti a verschidnige Klimas. Im Norde uf Hokkaidō herrscht chaut-gmässigts Klima mit vil Schnee im Winter, während uf Okinawa s Klima subtropisch isch
[ändere] Flora und Fauna
Z Japan hets vier Vegetationszone. Die höchschte Bärge rage über d'Waudgränze use, döt findet me alpini Tundra. Aaaschliessend chunt boreale Nohduwaud, dä chunt uf Hokkaidō scho bis i tüferi Lage vor. De gröscht Teil vo Hokkaidō und Nord Honshū wird vo Summergrüenem gmässigtem Laubwaud bedeckt. Im Süde schliesslich wachse immergrüeni subtropische Wäuder.
