Libano
De Wikipedia, le encyclopedia libere
Le Libano (officialmente, le Republica libanese) es un pais del Medie Oriente. Su capital es Beirut, le lingua official es le arabe e la moneta es le libra libanese.
Le Libano limita con Israel e Syria, illo ha al occidente le Mar Mediterranee.
Tabula de contento |
[modificar] Historia
Le Libano, herede de Phenicia e crucibulo historic del communitates christian e musulman.
- Antiquitate
I millenio a. J.C. : le phenicios domina omne le commercio mediterranee. De 800 a. J.C. a 100 a. J. C. le pais es basso domination asyrien desde 35 annos e post, egyptian, persa, babylonian e grec. In 332 a. J.C. Alexandro le Magne, occupa toto le Liban. De 64 a. J.C. a 636, le Libano forma parte del provincia roman de Coele-Syria E deinde del provincia byzantin de Syria. In 395, le Libano es sub le domination Byzantin
- Medievo
636 : Conquesta del Libano per le Arabes. In le Medievo, le cruciada del Conte de Tripoli coperi le essential del territorio del Libano actual. 1099 – 1291 : Le Latinos del Regno de Jerusalem e del Conte de Tripoli domina le litoral usque sa conquesta per le Mameluks de Egypto.
- Epocha moderne e contemporainee
Le Libano esseva occupate per le Imperio Ottoman in le seculo XVI. Post le defaite Turc in le Prime Guerra Mundial, le protectorato de Francia se prolongava usque 1944, anno ubi le pais se constitueva como Stato.
Le Libano viveva usque le annos 70 con grande prosperitate economic; iste opulentia decadeva post le Guerra contra Israel (1974) e le terribile lucta inter le christianos e musulmanos (1975-1980). Iste confrontationes destrueva le equilibrio politic exemplar. Israel invadeva le pais in 1978, 1982, 1987 e 2006. In 2005, Syria retirava lor truppas presente in le pais, isto esseva le fin de un sorta de protectorato.
[modificar] Geographia
Libano es un stato de Asia occidental ubicate al bordo del Mar Mediterranee. Le major parte de su territorio es occupate per le catena de montanias del Libano, illo va del nord al sud.
Su bordo litoral ha un climate mediterranee, estates calide e hibernos fresc; in le interior del pais le climate es continental. In le zonas montaniose prospera le querco o robore, le pino e le cedro libanese.
[modificar] Climate
Climate mediterranee minus clemente in le montanias. Le montanias libanese habe importante cadita de nive.
[modificar] Economia
Le agricultura es de typo mediterranee vinia, olivetos, frumento, hordeo, fructos, vegetales, inter alia provide le 12 % de su PIB. Le sector bovero e le pisca non habe multe peso, e equalmente le boscos de cedro non es tan abundante como ante.
Le Libano ha un industria textil e reffinerias de petroleo. Le sector de servicios, con le commercio es le activitate principal illo produce le 67% del PIB.
[modificar] Demographia
Le population originari del Libano es le plus numerose del pais, es un terra de albergo de minoritate armanie e palestin.
Le religion del majoritate es le islam shiita (40%), sunnita (30%) sed existe un importante numero de christianos (30%). Le 90,1 % del libanese se incontra inter le citates costari; in Beirut vive plus de un millon de personas e le valle de Bekaa.
[modificar] Cultura (lingua)
Le arabe es le lingua official, mais le lingua parlate es le dialecto libanese. Iste dialecto es singular sed intelligibile con le gruppo de dialectos del Levant et illo possede accentos distincte et expressiones proprie in certe region del Libano. Le uso de parolas de origine estranier (anglese, italian, turc e particularmente francese) es multo usual in le dialecto libanese. Le francese e le anglese, qui es deinde le linguas plus parlate, es comprendite per circa de 50 % del population. Iste linguas es post le arabe, le linguas de lectura preferite del libanese; sed iste linguas es etiam linguas de inseniamento in omne le establimento scholar excepte le establimentos patronate per religiosos (particularmente le musulmanes). Le anglese, cuje popularitate cresce in le population, e super toto usate in le affaires sed multo rarmente in le vita commun. Il es a notar que le armenio es parlate per le armenianos del Libano et illo es parlate per plus de 100 000 personas ubi plus de 80% es de religion christian de dogma orthodoxe e minus de 20% de religion christian de dogma catholic. Alteres linguas existe in le Libano (le syriac, le turcoman et le kurdo) sed lor utilisation es minoritari.
