Wikipedia:Declaration general de exemption de responsabilitates

De Wikipedia, le encyclopedia libere

WIKIPEDIA NON DA GARANTIA DE VALIDITATE

Wikipedia es un encyclopedia collaborative a contento aperte, isto es, un association voluntari de individuos e gruppos que disveloppa un ressource commun de cognoscentia human. Le structura del projecto permitte a omnes con un connexion a Internet e un navigator del web alterar su contento. Per favor sia informate que nihil trovate hic ha necessarimente essite revidite per professionales con le expertise requirite pro provider vos de informationes complete, accurate o digne de fide.

Isto non es a dicer que vos non trovara informationes de valor e accurate in Wikipedia; multe vices vos lo facera. Nonobstante, Wikipedia non pote garantir le validitate del informationes trovate hic. Le contento de cata articulo specific pote recentemente haber essite cambiate, vandalisate o alterate per alicuno cuje opinion non corresponde con le stato del cognoscentia in le campos pertinente.

[modificar] Nulle revision formal per pares

Nos es in processo de cercar methodos a seliger e dar emphase a versiones digne de fide de articulos. Nostre communitate active de editores usa instrumentos como le paginas Modificationes recente e Nove paginas pro surveliar contento nove e cambiate. Nonobstante, Wikipedia non es uniformemente revidite per pares; ben que le lectores pote corriger errores o ingagiar in revision per pares casual, illes non ha obligation legal pro facer isto, ergo tote le informationes legite hic es absolutemente sin garantia implicite de aptitude pro qualcunque fin o uso. Mesmo le articulos informalmente revidite per pares o articulos del septimana pote haber essite modificate inappropriatemente plus tarde, justo ante que vos los vide.

Necuno del autores, contributores, patrocinatores, administratores, operatores de systema, o altere personas connectite con Wikipedia in omne modo del toto pote esser responsabile pro le apparition de alicun information inaccurate o diffamatori o pro vostre uso del information continite in iste paginas web o a que illos ha ligamines.

[modificar] Nulle contracto; licentia limitate

Per favor assecura que vos comprende que le information disponibile hic es providite liberemente, e que nulle sorta de accordo o contracto es create inter vos e le proprietarios o usatores de iste sito, le proprietarios del servitores in que illo es albergate, le contributores individual de Wikipedia, alicun administratores del projecto, operatores de systema o alicuno altere qui es connectite de alicun modo con iste projecto o projectos-sorores subjecte a vostre reclamationes contra illes directemente. A vos es impartite un licentia limitate a copiar qualcunque cosa de iste sito; isto nullemente crea o implica responsabilitate contractual o extracontractual del parte de Wikipedia o de su agentes, membros, organisatores o altere usatores.

Il ha nulle accordo o comprension inter vos e Wikipedia concernente vostre uso o modification de iste information ultra le Licentia GNU pro Documentation Libere (GFDL); e nulle persona a Wikipedia es responabile in caso que alicuno cambia, edita, modifica o elimina alicun information que vos pote publicar in Wikipedia o in un de su projectos associate.

[modificar] Marcas commercial

Omne marcas commercial, marcas de servicio, marcas collective, derectos de designo, derectos de personalitate o derectos similar que es mentionate, usate o citate in le articulos del encyclopedia Wikipedia es le proprietate de lor proprietarios respective. Lor uso hic non implica que vos pote usar los pro altere fin que pro le mesme o un similar uso informational como contemplate per le autores original de iste articulos de Wikipedia sub le schema de licentiamento GFDL. Si non alteremente indicate, le sitos Wikipedia e Wikimedia non es appoiate per, ni affiliate con le possessores de tal derectos e per consequente Wikipedia non pote impartir derectos a usar materiales alteremente protegite. Vostre uso de tal o similar proprietate incorporee es a vostre proprie risco.

[modificar] Jurisdiction e legalitate de contento

Le publication de information trovate in Wikipedia pote esser in violation del leges del pais o jurisdiction ab ubi vos vide iste information. Le base de datos de Wikipedia es immagazinate in un servitor in le Stato de Florida in le Statos Unite de America, e es mantenite in referentia al protectiones date sub lege local e federal. Le leges in vostre pais o jurisdiction pote non proteger o permitter le mesme typos de parola o distribution. Wikipedia non incoragia le violation de leges; e non pote esser responsabile pro violationes de tal leges, in caso que vos face ligamines a iste dominio o usa, reproduce, o republica le information continite in isto.

[modificar] Non es consilio professional

Si vos besonia consilio specific (per exemplo, medic, legal, financiari, o de administration de riscos) per favor cerca un professinoal qui es licentiate o experte in ille area. Vide en:Wikipedia:Risk disclaimer, en:Wikipedia:Medical disclaimer, e en:Wikipedia:Legal disclaimer pro declarationes specific de exemption de responsabilitates.

Gratias pro prender le tempore a leger iste pagina, e per favor gaude de vostre uso de Wikipedia.

[modificar] Exemplos de declarationes de exemption de altere encyclopedias

Ben que altere encyclopedias, differentemente que Wikipedia, es professionalmente revidite per pares, illos ancora non garanti lor contento.

Le declaration de exemption de britannica.com (del sito albergante le Encyclopædia Britannica in-linea):

"BRITANNICA, SU DIRECTORES, FUNCTIONARIOS, ACTIONEROS, PARENTES, SUBSIDIARIOS, AFFILIATOS, AGENTES E LICENTIATORES, O PROVIDITORES DE CONTENTO IN NULLE EVENTO ESSERA RESPONSABILE PRO DAMNOS INDIRECTE, SPECIAL, INCIDENTAL, PUNITIVE, O CONSEQUENTIAL PROVENIENTE EX O CONNEXE AL USO, INCAPACITATE A USAR, RENDIMENTO O NON-RENDIMENTO DEL SERVICIOS, MESMO SI BRITANNICA ESSEVA PREVIEMENTE ADVERTITE DEL POSSIBILITATE DE TAL DAMNOS E SIN REGUARDO DE SI TAL DAMNOS PROVENI IN CONTRACTO, TORTO, SUB STATUTO, IN EQUITATE, A LEGE, O ALTEREMENTE."
Le declaration de exemption de MSN.com (del sito albergante le encyclopedia Encarta de Microsoft)

"...E TOTE LE RISCO A PROPOSITO DE QUALITATE SATISFACTORI, RENDIMENTO, ACCURATESSA, E EFFORTIO ES CON VOS."
Le declaration de exemption de bartleby.com (del sito albergante le Encyclopedia Columbia)

"VOS EXPRESSEMENTE DECLARA VOS DE ACCORDO QUE LE USO DEL SERVICIO ES A VOSTRE SOL RISCO."