中華人民共和國
出自維基百科
中國史系列 |
||||||
史前文化 | ||||||
傳說時代 | ||||||
三皇五帝 | ||||||
夏 | ||||||
商 | ||||||
西周 | 周 | |||||
春秋 | 東周 | |||||
戰國 | ||||||
秦 | ||||||
西漢 | 漢 | |||||
新朝 | ||||||
東漢 | ||||||
三國 | ||||||
西晉 | 晉 | 十六國 | ||||
東晉 | ||||||
南北朝 | ||||||
隋 | ||||||
唐 (望吖武周) |
||||||
五代十國 | ||||||
北宋 | 宋 | 遼 (西遼) |
||||
南宋 | 金 | 西夏 | ||||
元 | ||||||
明 | ||||||
清 | ||||||
中華民國 | ||||||
中華人民 共和國 |
中華民國 (去望台灣問題) |
中華人民共和國,有時間也簡稱中國,佢位於亞洲嗰東邊、太平洋嗰西岸,佢嗰鄰國有朝鮮、俄羅斯、蒙古、哈薩克、吉爾吉斯、塔吉克、阿富汗、巴基斯坦、印度、尼泊爾、不丹、緬甸、寮國跟越南等國家,佢還可以隔到黃海、東海、南海望到朝鮮半島(包括朝鮮跟韓國)、日本列島跟東南亞,佢嗰首都係北京。佢實際面積有959.67萬平方千米左右,排在俄羅斯、加拿大嗰後頭;佢陸地總面積(不算河、湖)有932.64萬平方千米左右,世界排第二;中華人民共和國拿全國劃成23隻省、5隻少數民族自治區、4隻直轄市跟2隻特別行政區,還有就係臺灣並不在中華人民共和國政府嗰實際控制範圍內。中華人民共和國係世界上人口最多嗰國家,總嗰超過13億,佔全世界嗰五分之一。官方認可嗰民族有56隻,漢人佔了大多數,別嗰民族叫少數民族。中華人民共和國嗰官方話係普通話,規範漢字係簡化字,有些少數民族也有自己嗰文字。《中華人民共和國憲法》規定公民有宗教嗰信仰自由,大部分公民冇有固定嗰宗教信仰,有些人信佛教、道教、基督教或伊斯蘭教等宗教。中華人民共和國一共跨了五隻時區,但全國只用單一嗰北京時間(東經120度)。
《中華人民共和國憲法》規定中華人民共和國係工人階級領導嗰、係以工農聯盟為基礎嗰人民民主專政嗰社會主義國家;全國人民代表大會係單一嗰最高國家權力機關,國家行政機關、審判機關、檢察機關全由人民代表大會決定,對佢負責,受佢監督;決策係根據民主集中制嗰原則。中華人民共和國現在嗰國家主席係胡錦濤,全國人大委員長係吳邦國,國務院總理係溫家寶。中國共產黨係憲法規定嗰執政黨,現在嗰中共中央總書記係胡錦濤。
1949年,毛澤東帶領嗰中國共產黨在跟蔣中正領導嗰中華民國政府打贏了嗰長達幾十年嗰內戰,1949年10月1日,中華人民共和國中央人民政府在北京成立,逼得中華民國國民政府從大陸搬到臺灣,只能管到臺灣跟福建沿海嗰一些島嶼。中華人民共和國從建國到1970年代末,發生了了反右、大躍進、三年大饑荒、文化大革命等一系列國家動盪,極大嗰破壞了民主建設,人權不斷拕侵犯。這一時間嗰中國大陸一直實行中央高度集中嗰計劃經濟體制,經濟總體一直係低水準狀態,國民生活水準低下。箇時間嗰中華人民共和國在外交上也冇得到國際社會嗰普遍認可。1971年,中華人民共和國取代了中華民國成為中國在聯合國嗰唯一合法代表跟安理會常任理事國,世界上大多數國家也開始承認中華人民共和國政府係中國嗰唯一合法政府。
1979年,鄧小平決定改革開放,經濟開始轉向市場經濟,箇讓中國大陸嗰經濟不斷好轉,經濟快速增長。但經濟嗰增長,社會嗰開放,箇時間嗰社會轉型期嗰一系列負面因素導致了1989年六四事件嗰發生,不過中國共產黨一下子穩住了局勢,通過各種手段保持經濟增長,國民嗰生活水準有了蠻大嗰提高。1997年跟1999年中華人民共和國從英國跟葡萄牙手上收回了香港跟澳門。2006年,按國際匯率嗰國內生產總值算,中國大陸已經係世界第四大經濟體,按購買力平價嗰國內生產總值算,中國已經係世界第二大經濟體。但係因為中國大陸人太多,人均下來還係發展中國家嗰位子。
目錄 |
[編寫] 歷史
[編寫] 地理
[編寫] 政治
[編寫] 區劃
[編寫] 軍事
[編寫] 經濟
[編寫] 人口
[編寫] 文化
中華人民共和國嗰行政區劃 | |||||||||
|