Dänemark

Aus Wikipedia

Der Àrtikl is im Dialekt „Obaboarisch“ gschriem worn.

Kongeriget Danmark
Kinigreich Dänemark


(Flaggn)	(Wåppm)

Åmtsspråch

Dänisch (regional: deutsch, grenländisch, färöisch)

Hauptstådt

Kopenhagen

Stååtsform

Parlamentarische Monarhie

Stååtsoberhaupt

Kenigin Margarethe II.

Ministerpräsident

Anders Fogh Rasmussen

Flächn

ohne Grealånd 43.096 km² (130. Plåtz)
mit Grealånd: 2.2 Mio. km² (13. Plåtz)

Oawohnerzåi

5.535.672 (2006) (107. Plåtz)

Bevölkerungsdichtn

ohne Grealånd: 115 Oawohner pro km²

BIP

$49.182 pro Kopf

Hymne

Der er et yndigt land

Währung

dänische Krone

Zeitzona

UTC+1

Kfz-Kennzeichen

Internet-TLD

.dk

Vorwåi

+45

As Kinigreich Dänemark is a Stååt im Norden vo Europa. Es is as gleanste und siadlichste Lånd vo Skandinavien und grenzt im Siadn ans deitsche Bundeslånd Schleswig-Holstoa und is im Osten duach d'Öresund-Bruckn mit Schwen verbunden. Zu Dänemark, wo Mitglied vo da europäischen Union und vo da NATO is, ghert a d'Inselgrupppn vo de Färöer und d'Insel Grealånd.

[dro werkln] Geographie

As dänische Kernlånd besteht ausm nerdlichen Teil vo da Håibinsel Jütlånd (dän: Jylland) und insgsåmt 443 Inseln, vo dene de greßte Seelånd (Sjælland) mit der Hauptstådt Kopenhagen is. Åndere große Inseln han Fünen (Fyn), Lolland und Falster. De greßten Inseln han ålle durch Bruckn mitnand verbunden. As Lånd is recht flåch, da hechste Hügel is gråd amåi 171 Meter überm Meeresspiegel. Westlich vo Dänemark liagt d'Nordsee (drum hoaßt's auf dänisch a Vesterhavet, åiso Westsee), im Osten d'Ostsee. Verbunden han de zwoa durch an Öresund zwischa Seelånd und Schwen, an großen Belt zwischa Seelånd und Fünen und an gloana Belt zwischa Fünen und Jütlånd. As Klima is wegam Goifstrom eher fad: im Sommer is' verhäitnismassig frisch, und im Winter rengts an Haufa, und schneim duats eher säitn. Fiar d'Låndwirtschåft is des grad guat, drum håts so vui Sei und Rinsdviecher in Dänemark.

[dro werkln] Beväikerung

Vo de schückra 5,5 Millionen Oawohner vo Dänemark spricht da Großteil dänisch. Bloß im Siadn vo Jütlånd, bei da deitschn Grenz, lem stückra 15000 deitschspråchige Leit, auf de Färöer ren's färöisch (wås wia deitsch und dänisch a a germanische Språch is und am Isländischen ähnelt) und in Grealånd gibts as grealändische, wo net mit de åndern Språchn verwånd is. De ållermeisten Dänen han a Mitglied vo da dänischen Voikskiach, han åiso evangelisch. Streng gnommen is Dänemark a richtiger Gottesstååt, weil Stååt und Kiach net vonanand trennt han und as Stååtsoberhaupt a åiwei Oberhaupt vo da Kiach is. Danem gibts a recht vui Immigranten vo der gånzen Wäit in Dänemark (8,5% laut åmtlicher Statistik), wo oft net guat integriert wern und mit dene wos oft Probleme gibt (zum Beispui de Karikaturengschicht vo 2005/2006). De meisten Dänen lem heitzdåg in da Stådt, vor åim in Kopenhagen und um Kopenhagen rum. Der Rest vom Lånd is deitlich weniger dicht besiedelt und ländlicher prägt åis d'Hauptstådtregion. De greßten Städt han (2006):

Kopenhagen (501.158 Oawohner)
Århus (228.764)
Odense (146.240)
Aalborg (122.794)
Esbjerg (72.550)

[dro werkln] Politik

Wia de meisten Länder in Nordeuropa is a Dänemark a konstitutionelle Monarhie mit am Monarchen åis Stååtsoberhaupt. Des is jetz scho seit ieber 35 Jåhr dKinigin Margarethe II. D'wirkliche Måcht geht åbar vom Folketing aus, so nennan's era Parlament. Des werd ålle vier Jåhr gwäit sågt o, wer Ministerpräsident werd. Traditionell hockn im Folketing recht viu verschiedne Partein, wei ma bloß zwoa Prozent vo de Wählerstimmen braucht, dass ma einekimmt, und wei Vertreter vo Grealånd und Färöer går koa Sperrklausel håm. D'wichtigsten Partein han d'Liberalen (Venstre), d'Sozialdemokraten (Socialdemokratiet) und d'Voiskpartei (danske Folkeparti). D'Verwaltung håm's in Dänemark erst 2007 komplett nei gmåcht: as Lånd is jetz in 5 Regionen (Nordjylland, Midtjylland, Syddanmark, Hovedstaden und Sjælland). dazua kemman no Grealånd und d'Färöer, wo se autonom verwalten.