ഇന്ത്യന്‍ മഹാസമുദ്രം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ലോകത്തിലെ മൂന്ന് മഹാ സമുദ്രങ്ങളിലുംവെച്ച് ഏറ്റവും ചെറുതും ഏറ്റവും പഴക്കം കുറഞ്ഞതും സങ്കീര്‍ണ്ണവുമായ മഹാസമുദ്രമാണ് ഇന്ത്യന്‍ മഹാസമുദ്രം. ഇന്ത്യന്‍ മഹാസമുദ്രത്തിന് 73440000 ച. കി. മി. വിസ്തീര്‍ണ്ണമുണ്ട്. ഒരു രാജ്യത്തിന്റെ പേരുള്ള ( ഇന്ത്യ ) ഏക മഹാസമുദ്രമാണിത്. പടിഞ്ഞാറ് ആഫ്രിക്ക, കിഴക്ക് ഓസ്ട്രേലിയ, വടക്ക് ഏഷ്യ, തെക്ക് അന്റാര്‍ട്ടിക്ക എന്നിവയാണ് അതിരുകള്‍. ഇന്ത്യന്‍ മഹാസമുദ്രത്തിന് ശരാശരി 3890 ആഴമുണ്ട്. ഈ മഹാസമുദ്രത്തിലാണ് ചെങ്കടല്‍, അറബിക്കടല്‍, പേര്‍ഷ്യന്‍ കടല്‍, ആന്‍ഡമാന്‍ കടല്‍, ബംഗാള്‍ ഉള്‍ക്കടല്‍ എന്നിവസ്ഥിതിചെയ്യുന്നത്.
മഡഗാസ്കര്‍, ശ്രീലങ്ക, മസ്കരിന്‍സ്, എന്നിവ ഇതിലെ പ്രമുഖ ദ്വീപുകളും ദ്വീപസമൂഹങ്ങളുമാണ്. പസഫിക്, അറ്റ്ലാന്റിക് സമുദ്രങ്ങളെപ്പോലെ ഇതൊരു തുറന്ന സമുദ്രമല്ല. കാരണം, ഇന്ത്യന്‍ മഹാസമുദ്രത്തിന്റെ വടക്കുഭാഗം രാജ്യങ്ങളാല്‍ ചുറ്റപ്പെട്ടിരിക്കുന്നു. ഈ സമുദ്രത്തിലെ ജലപ്രവാഹങ്ങള്‍ മണ്‍സൂണുമായി ഏറെ ബന്ധപ്പെട്ടുകിടക്കുന്നവയാണ്. കൂടാതെ ഇന്ത്യന്‍ മഹാസമുദ്രത്തിലെ ജലപ്രവാഹങ്ങള്‍ പ്രധാനമായും ഉഷ്ണജലപ്രവാഹങ്ങളാണ്.
ഉള്ളടക്കം |
[തിരുത്തുക] ഇന്ത്യന്‍ മഹാസമുദ്രത്തിലെ ജലപ്രവാഹങ്ങള്‍
[തിരുത്തുക] ഇന്ത്യന്‍ ഭൂമധ്യരേഖാ പ്രവാഹം
തെക്കന്‍ ഇന്ത്യന്‍ മഹാസമുദ്രത്തിലൂടെ പടിഞ്ഞാറോട്ടൊഴുകുന്നു. മഡഗാസ്കറിനടുത്തുവച്ച് മൊസാംബിക് പ്രവാഹമെന്നും അഗുല്‍ഹാസ് പ്രവാഹമെന്നും രണ്ടായി വഴിപിരിയുന്നു.
[തിരുത്തുക] തെക്കുപടിഞ്ഞാറന്‍ മണ്‍സൂണ്‍ പ്രവാഹം
ഇന്ത്യയുടെ തീരപ്രദേശത്തുകൂടി സഞ്ചരിക്കുന്ന പ്രവാഹമാണിത്.
[തിരുത്തുക] വടക്കുകിഴക്ക് മണ്‍സൂണ്‍ പ്രവാഹം
ഇന്ത്യയുടെ കിഴക്കന്‍ പ്രദേശത്തുകൂടി തണുപ്പുകാലത്ത് ഒഴുകുന്ന പ്രവാഹമാണിത്.
 |
ഭൂമിശാസ്ത്ര വിഭാഗത്തില്‍പ്പെട്ട ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
