Koudum

Ut Wikipedy

de himrik fan Koudum

Koudum is in doarp yn de gemeente Nijefurd mei likernôch 2.600 ynwenners (2004). Oant de gemeentlike weryndieling fan 1984 wie Koudum it haadplak fan de gemeente Himmelumer Aldefurd. De namme 'Koudum' is nei alle gedachten ôflaat fan 'kol' en 'widum', wat 'heechste punt fan de bosk' betsjut. Yn 2006 wûn Koudum de Jeropeeske doarpsfernijingspriis.

Nei 1960 hat Philips hjir in festiging hân dy't letter nei Snits gien is en in Sosjaal Wurkplak. Tichtby de Galamadammen leit rekreaasjesintrum De Kuilart mei in jachthaven, in camping en in swimbad.

[bewurkje seksje] It besjen wurdich

De herfoarme tsjerke hat protestantsk ynterieur.
Yn de Molebuert stiet de stellingmole De Flyt en yn de omkriten in wynmotor.
De Rjochting, in wynwizerkeunstwurk by de jachthaven.

Wynmole De Flyt

Wynmotor

[bewurkje seksje] Mienskip

It multyfunksjonele sitrum fan Koudum hjit De Klink. Foar de bern is der soos De Dobbe. DBK is de feriening foar befoardering belangen fan Koudum. Wa't lid is krijt fergees it krantsje "Bulte Nijs". Yn MFA De Swel sitte Doarpsbelangen, it jeugdhonk, de fêstiging fan 'Bogerman', it keunstensintrum en de radiostudio's yn ien gebou. Op dit stee wie earder in sânôfgraving mei in koloanje swellenêsten. De Sândobbe is de sporthal fan it doarp, oan de Boppewei is keatsfjild It Smûkelân. De Welle de It Grovestinshôf binne de basisskoallen en Nij Begjin it pjuttboartersplak. De Súdwester is de feriening foar kultuer en Ferdivedaasje. De Koudumer Stifting Trochgeanset him yn foar de belangen fan ynwenners fan Koudum en de fierdere Súdwesthoeke.

[bewurkje seksje] Ferienings

Nij Libben - muzykkorps
Artiku - toaniel
SV Oeverzwaluwen - fuotbal, folleybal, gymnastyk, tennis
VetZaVot - sealfuotbal
It Plúmke - badminton
Beantsjes te Wetter - roeien
Keatsfreonen - keatsen
Moarreruters - hynsteriden

[bewurkje seksje] Ferskaat

Yn it wapen en de flagge fan Koudum stiet in stjer as ferwizing nei de eardere bestjoersfunksje. De blauwe kleur ferwiist nei De Fluezen en de giele baan nei de Galamadammen.
Foar de simmer, op Himelfeartsdei, is der faak it Dobbefestival.
De Koudumer Beantsjes steane sintraal op Beantsjedei. Der is in wedstryd beantsjetriedzen, in beantsjemiel, in beantsjerees en de oanwizing fan 'Beantsje fan it Jier'.