Bakhuzen
Ut Wikipedy
|
||||||||||||||||||||||
Bakhuzen is in doarp yn de gemeente Gaasterlân-Sleat, tusken De Moarre en it Murnser Klif. It doarp hat 1.026 ynwenners (1 jannewaris 2005). Oant 1955 wie Bakhuzen mei Murns ien doarp. Bakhuzen leit op de râne fan it pleistosene sângebiet op weagjende boaiem tusken 1-10 meter boppe NAP.
Ynhâld |
[bewurkje seksje] Skiednis
De namme Bakhuzen komt yn 1412 foar as Backhysen. It komt wierskynlik fan de foarnamme Bakke. As gebiet sil de namme grif âlder wêze troch it Bakhusterheech, in hichte fan sawat 7 meter fan balstienliem dat ûnderdiel is fan it Bakhústerwaad en it Murnser klif. De hege grûnen wienen om op te wenjen, de lege mear foar healân yn'e simmer. De Sint-Odulfustsjerke fan nei 1412 wie in ûnderdiel fan it Benediktiner kleaster (Sint Odulphus) yn Starum. Nei de Reformaasje wie der gjin roomske tsjerke mear yn it doarp. By Elfburgen en Aldemardum wienen doe wol skûltsjerken. Nei 1663 wie der wer in katolike tsjerke en wienen de measte Bakhústers roomsk.
In soad minsken wienen letter boer of skipper. Tusken 1950 en 1970 wurken in soad Bakhústers by de firma Mous (stielkonstruksje).
[bewurkje seksje] Mienskip
- Bakhuzen hat in doarpshûs: De Gearte.
- Der is ien katolike basisskoalle: De Takomst.
[bewurkje seksje] Ferieningen
- VV Bakhuzen - fuotbal
- Euphonia - muzyk (anno 1898)
- Bakhuusterheech Sjongers - koar
[bewurkje seksje] Befolking
[bewurkje seksje] Ferskaat
[bewurkje seksje] Strjitten
A Rampionstrjitte, Ageommeleane, Bakwei, De Burde, De Fûke, De Kei, De Mesk, De Simmen, De Steke, Feartswâl, Gaastwei, Havenstrjitte, Hear Jacobstrjitte, Hollewei, It Skod, J Nagelhoutleane, Koaiwei, Master Dollestrjitte, Middenpaad, Pastoar Coendershof, Plantsoen, Rysterdyk, Sint Odulphusstrjitte, Skuniadyk, Teeuwes de Boerstrjitte, Túnkershof, Watteaustrjitte, Wite Burch, Wytlânspaad.
