Kensonenn dent

Er yezhoniezh e vez implijet an termen kensonenn dent (saoz.: dental consonant) war dachenn ar fonetik hag ar fonologiezh evit komz eus ur gensonenn ganti an dent da lec'h distagañ pennañ, da lâret eo e stok pe e tosta penn an teod ouzh penn-adreñv an dent.

Alies a-walc'h e ra yezhoù ar bed pe gant kensonennoù dent (evel e spagnoleg) pe gant kensonennoù kevig. E meur a yezh indezek avat, en o zouez ar sañskriteg hag an hindeg e reer gant rummadoù fonemennek kevig ha dent.

N'eus arouezenn ispisial ebet evit reuzskrivañ kensonennoù kevig en ur mod disheñvel diouzh ar c'hensonennoù dent ha mar bez ezhomm merkañ al lec'h distagañ resis e ranker ober gant sinoù diakritek skrivet dindan an arouezennoù hag a dalvez evit skrivañ kensonennoù dent, da skouer [s̪, t̪, n̪, l̪] keuit ha ma talvez an arouezennoù hep sin diakritek ebet evit merkañ ar c'hensonenoù kevig.

Setu ar c'hensonennoù dent pennañ gant bep o arouezenn hervez reolennoù treuzskrivañ al lizherenneg fonetikel etrebroadel:

LFE	Deskrivadur	Skouer
LFE	Deskrivadur	Yezh	Stumm skrivet	LFE	Ster
	dent dre fri (mouezhiet)	spagnoleg	onda	[on̪d̪a]	"gwagenn"
	dent dre serriñ divouezh	spagnoleg	toro	[t̪oɾo]	"tarv"
	dent dre serriñ mouezhiet	spagnoleg	donde	[d̪on̪d̪e]	"pelec'h"
	dent dre daravat divouezh	poloneg	kosa	[kos̪a]	"falz"
	dent dre daravat mouezhiet	poloneg	koza	[koz̪a]	"gavr"
	dent dre daravat divouezh ("etredent")	saozneg	thing	[θɪŋ]	"tra"
	dent dre daravat mouezhiet ("etredent")	saozneg	this	[ðɪs]	"(an dra)-mañ"
	dent dre dostaat (mouezhiet)	spagnoleg	codo	[koð̞o]	"ilin"
	dent dre dostaat a-gostez (mouezhiet)	albaneg	halla	[haɫ̪a]	"kazel"
	dent dre stlakat (mouezhiet)
	dent dre froumal (mouezhiet)	marchaleg	Ebadon	[ebɑr̪on̪]	"Ebadon"
	dent dre strakal (divouezh)
	dent dre entarzhañ (mouezhiet)
	Klik dent	xhosaeg	ukúcola	[uk’úkǀola]	"malañ"