Kensonenn dre fri

Diwar Wikipedia, an holloueziadur digor

Doareoù distagañ
Dre serriñ
Klikoù
Tarzhañ
Strakal
Entarzhañ
Fic'hal
Travat
C'hwitellat
Heson
Fri
Stlakat
Froumal
Tostaat
Linkus
Vogalennoù
Damvogalennoù
A-gostez

Er yezhoniezh e vez implijet an termen kensonenn dre fri anvet ivez kensonenn fri pe c'hoazh frienn (saoz.: nasal consonant) war dachenn ar fonetik hag ar fonologiezh evit komz eus ur gensonenn ma vez leuskl an aer da redek dre ar fri keit ha ma vez damstanket an aer ha/pe harzhet da vont kuit dre stokat pe tostaat an teod stok ouzh un organ fonadur bennak. Kemmañ a ra son ur gensonenn dre fri hervez an organoù fonadur ma vezont implijet evit serriñ ar genoù.

Kavet e vez stankañ a-galz kensonennoù dre fri mouezhiet evit divouezh.

Ral-kenañ eo ar yezhoù ma reont hep sonennoù dre fri ebet, en o zouez yezhoù wakachek 'zo.

Setu ar c'hensonennoù dre serriñ pennañ gant bep o arouezenn hervez reolennoù treuzskrivañ al lizherenneg fonetikel etrebroadel:

[m] kensonenn diweuz dre fri (mouezhiet), d.s. bzhg. mar mouz
[ɱ] kensonenn gweuz-dent dre fri (mouezhiet), d.s. kat. enviar ([əɱˈbjaɾ]; "kas")
[n̪] kensonenn dent dre fri (mouezhiet), d.s. bzhg. "kantreal
[n] kensonenn kevig dre fri (mouezhiet), d.s. saoz. no ("nann")
[ɳ] kensonenn tro-fin dre fri (mouezhiet), d.s. sañsk. कारण ([kɑːrəɳə]; "abeg")
[ɲ] kensonenn staon dre fri (mouezhiet), d.s. bzhg. ognon
[ŋ] kensonenn drekstaon dre fri (mouezhiet), d.s. sinaeg (mand.) 北京 ([pei˨˩˦ tɕɪŋ˥˥]; "Beijing")
[ɴ] kensonenn huged dre fri (mouezhiet), d.s. jap. 日本 ([nihoɴ]; "Japan")