Doare distagañ a eil renk

Diwar Wikipedia, an holloueziadur digor

Doareoù distagañ
Dre serriñ
Klikoù
Tarzhañ
Strakal
Entarzhañ
Fic'hal
Travat
C'hwitellat
Heson
Fri
Stlakat
Froumal
Tostaat
Linkus
Vogalennoù
Damvogalennoù
A-gostez

Er yezhoniezh e vez implijet an termenoù doare distagañ a eil renk ha lec'h distagañ a eil renk (saoz.: secondary articulation) war dachenn ar fonetik hag ar fonologiezh evit komz eus kensonennoù kendistaget gante un eil doare distagañ pe un eil lec'h distagañ ouzhpenn an doare distagañ pennañ.

Gwanoc'h eo an doareoù/lec'hioù distagañ dre dostaat evit an doareoù/lec'hioù distagañ pennañ livet gant an eil doare distagañ-se kentoc'h evit bezañ levezonet na pouezet warnañ hag abalamour da se e vez komzet eus doareoù/lec'hioù distagañ "a eil renk", da skouer ar gensonenn dre serriñ drekstaon divouezh gweuzet [kʷ] a zo e lec'h distagañ pennañ hini ur gensonenn dre serriñ, livet an doare distagañ pennañ-se gant al lec'h distagañ a eil renk, da lâret eo ar gweuzadur rak klevet e vez evel un doare "k" gant un distagadur ispisial.

En tu all avat pa gomzer eus kensonennoù kendistaget par-ha-par e kaver daou doare/lec'h distagañ pennañ war un dro, ken pouezus an eil hag egile, da skouer ar kensonenn gweuz-drekstaon [k͡p], ganti da lec'hioù distagañ pennañ an drekstaon hag an diweuz.

Meur a doare/lec'h distagañ a eil renk ez eus, en o zouez ar re implijetañ-mañ:

Doareoù distagañ a eil renk

Friadur, d.s. boundoueg [ṽ]

C'hwezhadur, d.s. hindeg [tʰ]

Lec'hioù distagañ a eil renk

Gweuzadur, d.s. brezhoneg [gʷ]

Staonekadur, d.s. ruseg hag iwerzhoneg [tʲ])

Drekstaonekadur, d.s. saozneg ha portugaleg /l/ e diwezh ur ger > [lˠ])

Gourlañchennekadur, d.s. ar c'hensonennoù stambouc'hus en arabeg [tˤ]).