Storia de Gibuti
Da Wikipedia, ła ençiclopedia libara.
La Storia de Gibuti la scominzsia co l’ocupazsion francexe. Prima de l’arivo de i francexi, la zona de Gibuti la gha condiviso la storia de la Somalia.
Indice |
[modifica] I Francexi
I francexi i gha sempre volù esar la pi grande potenzsa mondiale. Durante el tempo de la conquista de l’Africa, i gha tentà de fermar l’avanzata inglexe. I francexi i volea metarghe el basto de traverso a el pian inglexe de verghe tuta l’Africa orientale da nord a sud, e i volea anca verghe el control de le pozisioni geopolitiche pi importanti. La costa longo el Mar Roso e lo streto de Aden i xera considerà importanti parché, co lo scavo del canale de Suez, quel trato de mar el gavea da diventar ono de i pi usadi da la marina mercantile mondiale. El governo francexe el gha sostegnù i esploratori che i laorava en tel Corno d'Africa propio par poder utilizsar i so studi e espandarse en te la region.
En tel 1862, dopo che el capitano Fleuriot de Langle el gavea visità la costa somala, i francexi i gha sotoscrito on tratato de amicizsia co i sultani de Tadjoura, Gobaad e Raheita e crompà el porto de Obock. Altre espansioni, en tel 1884-5, le gha portà a la costituzsion del teritorio de Gibuti de ancò. En tel 1886, la cavedal la xe stà mosa da Obock a Gibuti, do ghera on porto naturale pi grando e on marcà tra i pi importanti de el Corno d’Africa. La costruzsion de la linea feroviaria da Addis Abeba a Gibuti (costruia dal 1897 al 1917) la gha fato garantio pi aloro al porto de Gibuti.
[modifica] Guera Mondiale
Le forzse de invasion italiane le se gha scontrà co i soaldadi francexi ne i ani trenta e durante la seconda guera mondiale. Gibuti la xera ne le mane de el governo de Vichy ma el xe cascà en mane de i Aleati dopo che i inglexi i gha blocà el porto par tri mesi. Soldadi de Gibuti i gha combatù en Franzsa en tel 1944. Co l’aprovazsion de la Lege Quadro (1956) el governo francexe el gha dato a le colonie pi autonomia. En tel 1958, co on referendum, Gibuti el gha sielto de far parte de la Franzsa come on teritorio d’oltremare. Solo pochi ani dopo, co el presidente De Gaulle el gha visità Gibuti (agosto 1966) el gha catà dimostrazsioni popolari che le volea l’indipendenzsa. En tel marzso 1967, el 60% de i gibutiani i gha votà contro l’indipendenzsa.
[modifica] Indipendenzsa
La popolazsion la gha però continuà a domandar cambiamenti. La majoria de i abitanti i xera del clan Issa, ma le legi francexi ghe dava la citadinanzsa a la minoranzsa afar. Co la lege so la citadinanzsa la xe stà cambià, anca i raporti de forzsa politega i xe cambià. En tel referendum del magio 1977 la majoria la gha sielto l’indipendenzsa. En giunio 1977, Gibuti el xe diventà indipendente e Hassan Gouled Aptidon el xe stà eleto presidente. En tel 1981, Aptidon el gha trasformà la republica en no stato monopartitico. En tel 1991, la guera sivile la xe sciopà tra el governo e i guerilieri afar del Fronte par la Ricostruzsion de l’Unità e la Democrazsia. El conflito elxe terminà en tel 1994 co on tratato de paxe e l’entrata del Fronte en tel governo. Aptidon el xe stà rieleto en tel 1997 ma el gha lasà el potere en tel 1999 a 83 ani de età. So neodo, Ismail Omar Guelleh, el xe diventà presidente al so posto. Guelleh el xe sta rieleto en tel 2005. El so primo ministro el xe on afar, e afar el xe anca el ministro de i esteri. El governo parò el rimane saldamente en mane de la majoria somala. Le tensioni etniche le continua a dividar el paexe.
[modifica] Siti internet
Portałe Africa: varda łe altre voxe de Wikipedia che łe parla de Africa
