Storia de la Costa d'Avorio
Da Wikipedia, ła ençiclopedia libara.
La Storia de la Costa d’Avorio la xe recente. Anca se i studiosi i pensa che en tel neolitico i omeni i vivea en te la region, no se gha ricatamenti archeologici par sostegnar stà teoria. I primi documenti i risale al 1637, co i francexi i xe rivà a Assinie, so la costa tacà al confin dle Ghana de ancò. I primi eoropei i xe rimasti longo la costa senzsa penetrar en tel interno. Poco dopo l’arivo de i francexi, grupi akan i gha invaso el teritorio e i gha ocupà el sud est e el sentro del paexe. Ent el 1843, l’amiralio francexe Louis Edouard Bouet-Willaumez el gha contratà co i re de la costa e meso i regni soto el protetorato francexe.
[modifica] Colonia
La Costa d’Avorio la xe diventà na colonia francese el 10 marzso 1893. El primo governator el xera Louis Gustave Binger. Dal 1904 al 1958, la Costa d’Avorio la gha fato parte de l’Africa Ocidentale Francexe. Dopo la seconda Guera Mondiale, el goveno francexe el gha dato la citadinanzsa francese a tuti i africani de le so colonie, el dirito de organizazsion politega e l’abolizsion del laoro obligatorio. En tel 1956, la Lege Quadro la gha trasferì de i poteri decisionali da Parigi a i governatori de le colonie.
[modifica] Indipendenzsa
En tel 1958, la Costa d’Avorio la xe diventà na republica autonoma rentro l’union francexe. L’indipendenzsa la xe rivà el 7 agosto 1960. La sità de Abidjan la xe stà selta come la nova cavedal. Primo presidente el xe stà eleto Félix Houphouët-Boigny, capo del Partito Democratico de la Costa d’Avorio e ono de i fondatori de el Grupo Democratico Africano, el pi importante grupo politico inter-regionale pre-indipendenzse. Houphouët-Boigny el sa fato notar dal 1944, co el gha fondà el Sindacato Agricolo Africano, e el xe riusì a far aprovare riforme par favorir la popolazsion rurale. Dopo la guera, el xe stà eleto ne l’Asemblea Costituente e el gha rapreesntà la Costa d’Avorio al parlamento francexe dal 1946 al 1959. El xe anca stà on ministro del governo francexe. En tel magio 1959 el gha formà el Consilio de Intesa, na organizazsion regionale che metea insieme Costa d’Avorio, Niger, Upper Volta (Burkina Faso), e Dahomey (Benin). Houphouët-Boigny el sostegnea che la solidarietà e la cooperazsione economica le xera importanti par cresar come stati africani. En tel otobre 1990, a le prime elezsioni multipartitiche, Houphouët-Boigny el gha vinto senzsa problemi e el xe rimasto in carica fin a la morte, 7 dicembre 1993. El xe sempre stà on politego tradizsionalista e conservativo.
[modifica] Divixion
Dopo la morte de Houphouët-Boigny, Henri Konan Bédié, vice-presidente e presidente del parlamento, el xe diventà presidente de la Costa d’Avorio. El 24 dicembre 1999, el general Robert Guéi el gha fato on colpo de stato e meso al poter na giunta militare. A le lezsioini del 2000, Guéi el gha perso e Laurent Gbagbo el gha vinto. Dopo na protesta popolare, i militari i gha dato el poter in man a Gbagbo. El 19 setembre 2002, la rebelion la xe sciopà en tel nord del paexe. Le etnie de le zone che le se sa ribelà le volea na riforma nazsionale, mentre quele de la costa le volea el status quo. Inoltre, i tanti imigrati del Burkina Faso e del Mali i volea on riconosimento del loro laoro e paghe pi alte. Governo e ribeli i gha fato vari tentativi de pacificazsion, ma la situazsion la resta incerta e la tension alta. El livel de vita el xe cascà tremendamente e no ghe na soluzsion politega en vista.
Portałe Africa: varda łe altre voxe de Wikipedia che łe parla de Africa
