Storia del Lesotho
Da Wikipedia, ła ençiclopedia libara.
I Khoi Khoi o i loro predecesori i gha abità el Lesotho fin da el 40.000 a.C. Poco se sa de sto periodo. Le uniche testimonianzse rimanenti le xe le piture rupestri che se cata en tuto el paexe.
[modifica] Basotho
I primi grupi foresti a rivar en te la zona del Lesotho i xe stà i bantu. Varie ondate de bantu le xe rivà fin a formar el grupo de i basotho. I basotho i gha ocupà la zona del Lesotho e le tere confinanti, ancò parte del Sudafrica. En tel 1818. el re Moshoeshoe (1800 sirca – 1870) el gha unificà vari clan par formar el primo stato de i basotho. Co el periodo de la Difaqane, i grupi zulu en espansion i gha parà via i basotho da alcune zone che i ocupava. Dopo de i zulu, anca i boeri in fuga da la Colonia del Capo i gha ocupà le tere de i basotho. CO na serie de guere (1856-68) i basotho i gha perso i tereni a ovest del fiume Caledon. Co la morte de Moshoeshoe (1870), i inglexi i gha meso i basotho soto la Colonia del Capo. I basotho i no xera d’acordo e, en tel 1879, el capo Moorosi el gha fato guera co i inglexi. Anca dopo la sconfita de Moorosi, i basotho i gha continuà le spedizsioni punitive contro i inglexi (Guera del Fusil 1880-81). Co i inglexi i gha visto che i no podea controlar i basotho, i gha stacà el teritorio da la Colonia del Capo e i gha creà el Teritorio del Basutoland, governà da on comisario inglexe che laoraa co el consilio de i anzsiani e col capo tribale. El primo capo tribale el xe stà Lerothodi, fiol de Moshoeshoe. I inglexi i volea metar el Basutoland co el Sudafrica al tempo de la fondazsion de la Union del Sudafrica (1910), me i basotho i gha dito de no a sto piano. En tel 1959 el Basutoland el gha aprovà na nova Costituzsion che la gha verto la strada a le prime elzsioni amnistrative e a l’autogoverno.
[modifica] EL Regno
El 4 otobre 1966, el Lesotho el xe diventà indipendente come na monarchia costituzsionale co on parlamento e on senato. A le prime elezsioni del genaro 1970, el partito al governo, el Partito del Congreso del Basutoland, el gha perso ma el no gha voluo lasar el poter al Partito Naxional del Basutoland. La crisi politega interna, co la chiusura de le frontiere co el Sudafrica – che acusava el Lesotho de sostegnar i militanti de l’African National Congress – le gha provocà na serie crisi economica. I militari i gha fato on colpo de stato en tel 1986. I militari i gha meso su on Consilio Militare soto la guida de Justin Lekhanya che el dovea governar el paexe co el re Mosheshoe II e co un grupo de ministri selti dal re. Lekhanya el volea tornar al governo democratico en tel giunio 1992, ma on colpo de stato el xe stà parà via en tel 1991. El re Moshoeshoe II nol gha volù tornar en Lesotho par diventar on re cerimolniale e so fiol, Letsie III, el gha preso el so posto. En tel 1995, el re Letsie el gha abdicà en favor de so pare, che però el xe morto en un incidente de machina en tel 1996. El re Letsie III el xe tornà al trono. Da alora el Lesotho el gha sempre visù ne l’instabilità politica, co amutinamenti de l’esercito e de la polizsia, ma anca co tentativi de colpo de stato. L’ultimo tentativo, en tel agosto del 1998, el gha forzsà el re a domandar l’intervento de le forzse de difesa de la comunità de l’Africa Australe. Soldai sudafricani, zinbabweani e del Botswana i xe entrà en tel Lesotho e portà l’ordine. L’Autorità Provisoria che la gha governà el Lesotho la gha canbià le legi eletorali par asicurarse che anca l’oposizsion la gavese na rapresentanzsa en parlamento.
Portałe Africa: varda łe altre voxe de Wikipedia che łe parla de Africa
