Storia del Mozanbico
Da Wikipedia, ła ençiclopedia libara.
Come par quasi tuti i paexi africani a sud del Sahara, i primi abitanti del Mozanbico i xera boscimani, molto probabilmente de lo steso grupo che ghe darà vita a i san. Le piture ruprestri che se cata su tanti monti del Mozanbico i xe na testimonianzsa direta che i boscimani i vivea qi almanco 10.000 a.C. I bantu i xe rivà en tel nord del Mozanbico traverso el Fiume Zamnbezsi, za en tel VI secolo de la nostra era. I bantu i gha portà la metalurgia e l’agricoltura.
Indice |
[modifica] Portoghexi
I arabi i xe rivà su le coste del nord del Mozanbico en tel XI secolo. I gha costruio de i insediamenti e promoso la difusion de l’Islam. Le varie sità de cultura swahili le gavea i so sultani. Ancora ancò, al nord del Mozanbico la zente del nord la parla lengoe locali e na variante del swahili. En nome steso del paexe el vien dal el nome de on sultan locale: Musa bin Bichi (o Bi’ki) El primo eoropeo a rivar so le cost del Mozanbico en epoca moderna el xe stà Vasco da Gama en tel 1498. I portoghexi i gha costruio na serie d efortini longo la costa e meso la cavedal de la nova colonia a l’Ixola de Mozanbico, a la boca de la baia de Mossuril, en fronte de la Cabeceira Grande. I portoghexi no gha mai tentà l’esplorazsion de l’interno e anca i forti so la costa i no xera ben tegnui. En tel XIX secolo, spinti da le mose espansionistiche de i altri paexi eoropei, i portoghexi i gha deciso de sfrutar el interno de le so colonie. I gha diviso el teritorio del Mozanbico en prazos, grandi propietà teriere date a i portoghexi che volea investir in Africa. I portoghexi i gha svilupà solo le infrastruture che servia a i coloni e i no gha dato inportanzsa a la popolazsion locale.
[modifica] Indipendenzsa
Co el resto de i paexi africani i rivava a l’idipendenzsa, el Portogalo el no volea consedar l’autonomia a le so colonie. El ditator Antonio de Oliveira Salazar el sostegnea che i teritori de oltremare i xera parte de la nazsion. I africani i no ghe credea, visto che el Portogalo el faxea poco par lo svilupo e l’educazsion. En tute le colonie (Angola, Guinea Bissau, Ixole de Capo Verde, e Mozanbico) se sa formà de i partiti de oposizsion. En tel 1962, vari grupi mozanbicani i se sa riunio en tel Fronte par la Liberazsion del Mozanbico (FRELIMO) e scominzsià la guera de liberazsion en tel 1964. En tel april 1974, el FRELIMO el xe riusì a ciapar la cavedal, Maputo. El paexe el xe diventà indipendente el 25 giunio 1975. I portoghexi i gha lasà el paexe, co no ghera personal local bon de mandar vanti tute le atività specializade. El FRELIMO el se sa alinea co la Rusia.
[modifica] Guera Sivile
La mancanza de svilupo, la povertà, e ragioni de politica internazsionale le gha portà el paexe a la guera sivile. En tel 1982, la RENAMO – on grupo anticomunista sostegnù da Sudafrica, Rhodesia (Zinbabwe de ancò) e da i Stati Unii – la gha scominzsià na campagna de atachi violenti a scole, dispensari e vie de trasporto. En tel 1984, Mozanbico e Sudafrica i gha firma i acordi de Nkomati. El Mozanbico el se impegnava a parar fora i guerilieri de l’African National Congress (ANC) dal paexe, e el Sudafrica el gavaria smeso de darghe armi a la RENAMO. El Mozanbico el gha fato la so parte, ma el Sudafrica nol xe stà a i pati e el gha continuà a darghe armi a la RENAMO. En tel 1986, el presidente Samora Machel el xe morto en on incidente aereo, tanti i sospeta che el governo del Sudafrica el sia responsabile. Al so posto, Joaquim Chissano el xe diventà presidente. En tel 1990, Chissano el gha scominzsià el dialogo par rivar a la paxe co la RENAMO. EL dialogo el xe stà sostegnù da la Comunità de Sant’Egidio, on grupo catolico de Roma. El 4 otobre 1992, Joaquim Chissano e Alfonso Dhlakama – capo de la RENAMO – i gha firmà l’acordo de paxe a Roma.
[modifica] Democrazia
A le prime elezsioni libare, en tel 1994, Chissano el gha vinto la magioria d ei voti, e Dhlakama el xe rivà secondo. En tel 1995, el Mozanbico el sa zontà al Commonwealth, unico paexe che nol xe mai stà parte del impero britanico. I rifugiati mozanbicani scapai a l’estero (2 milioni) o in altre aree del paexe (4 milioni) i xe tornà a casa par le fin del 1996. Dopo le elezsioni del 1999, la RENAMO la gha acusà el FRELIMO de verghe imbroià a le elezsioni. En tel 2005, Chissano el se sa ritirà e gha dato via libara al novo presidente Armando Guebuza. El paexe el xe generalmente tranquilo. La zente la laora e serca de svilupar le struture. Lo steso no se pol dir del governo. I gironalisti che i gha investigà l’uso de i soldi da parte de i politici pi grsoi i xe stà malmenà e anca copà (omicidio Cardoso). Ancò, el sud del paexe el xe sempre pi moderno e l’inglexe el xe sempre pi parlà. El nord el xe rimasto sotosvilupà e le infrastruture le xe inadeguate. L’università statale la xe a Maputo, mentre che al nord ghe xe l’università catolegha. Tute e do ste realtà le xe al de soto de i bisogni del paexe.
- Portałe Africa: varda łe altre voxe de Wikipedia che łe parla de Africa