Luxembourg

Frå Wikipedia – det frie oppslagsverket

Grand-Duché de Luxembourg
Großherzogtum Luxemburg
Groussherzogdem Lëtzebuerg


Flagg	Riksvåpen

Nasjonale motto: Mir wëlle bleiwe wat mir sin (Vi ynskjer å forbli det vi er)

Offisielle språk

Fransk, Tysk Luxembourgsk

Hovudstad

Luxembourg

Styresett

Storhertug
Statsminister

Konstitusjonelt monarki
Henri av Luxembourg
Jean-Claude Juncker

Flatevidd
- Totalt
- Andel vatn

2 586 km² (177.)
Ubetydeleg

Folketal
- Estimert (2007)
- Folketeljing (2001)
- Tettleik

480 222 (171.)
439 539
186/km² (59.)

Suverenitet
Sjølvstende

1815
11. mai 1867

BNP
- Totalt (2005)
- Per innbyggjar

30 674 mill. USD (92.)
66 821 USD (1.)

Valuta

Euro

Tidssone

UTC +1

Nasjonalsong

«Ons Heemecht»

Nasjonaldag

23. juni

Internasjonal telefonkode

+352

Nasjonale toppdomene

.lu

Storhertugdømet Luxembourg (eller Luxemburg, luxembourgsk Groussherzogtum Lëtzebuerg, fransk Grand-Duché de Luxembourg, tysk Großherzogtum Luxemburg) er eit lite land i nordvest Europa. Landet grenser til Belgia i vest, til Tyskland i aust og til Frankrike i sør. Luxembourg har litt under ein halv million innbyggjarar fordelt på 2 586 km².

Luxembourg er eit parlamentarisk representativt demokrati med eit konstitusjonelt monarki styrt av ein storhertug. Det er det einaste gjenverande storhertugdømet i verda. Landet har ein langt utvikla økonomi og har det høgaste bruttonasjonalproduktet per innbyggjarar i verda. Området har vore strategisk og historisk viktig sidan romarane bygde ein festning her og frankiske grevar bygd ei borg her i tidleg mellomalder. Han var ein viktig bastion langs spanskevegen så Spania var den største makta i Europa mellom 1300- og 1700-talet.

Luxembourg vart eit av dei opphavlege medlemslanda i EU, NATO, SN, Benelux og Den vesteuropeiske unionen. Byen Luxembourg, hovudstaden og den største byen i landet, er sete for fleire institusjonar og byr i EU.

Luxembourg ligg ved eit kulturelt skilje mellom det romanske Europa og det germansk Europa og har lånt vanar og tradisjonar frå fleire av landa rundt. Landet er eit trespråkleg land og fransk, tysk og luxembourgsk er alle offisielle språk. Sjølv om Luxembourg er ein sekulær stat er det hovudsakleg romersk-katolsk

[endre] Geografi

For meir om dette emnet, sjå Luxembourgsk geografi.

Dei største byane er Luxembourg by, Esch-sur-Alzette, Dudelange og Differdange.

Luxembourg er eit av dei minste landa i Europa og det 175. minste av 194 sjølvstendige land i veda. Det har eit areal på 2 586 km² og er 82 km langt og 57 km breitt. I aust ligg Tyskland og bundeslanda Rheinland-Pfalz og Saarland, og i sør Frankrike og regionen Lorraine. Storhertugdømet grenser til Belgia og regionen Wallonia i vest og i nord.

Den nordlege tredjedelen av landet vert kalla Oesling og dannar ein del av Ardennane. Dette området er dominert av åsar og låge fjell, inkludert Kneiff som er det høgaste punktet med 560 meter over havet. Regionen er tynt folkesett og har berre ein by, Wiltz, med litt meir enn fire tusen innbyggjarar.

Resten av landet vert kalla Gutland og er meir tett folkesett. Dette er òg meir variert og kan delast inn i fem geografiske område. Luxembourgplatået i sør er stort og flatt og her finn ein mellom anna hovudstaden i landet. Litlesveits ligg aust i landet og har ulendt terreng og tette skogar. Moseldalen er det lågastliggande område og går langs den søraustlege landegrensa. Det raude landet ligg lengst sør og sørvest og er industriområdet i Luxembourg. Fleire av dei største byane i landet ligg her.

Tre elvar dannar grensa mellom Luxembourg og Tyskland, Mosel, Sûre og Our. Andre store elvar er Alzette, Attert, Clerve og Wiltz. Dalane til elvane Sûre og Attert dannar grensa mellom Gutland og Oesling.

[endre] Klima

Nordlege delar av Luxembourg består av dei skogkledde åsane i Ardennane og har mykje det same klima som Belgia med forholdsvis kjølege vintrar og milde somrar. Det regnar om lag halvparten av dagane i snitt, og om vinteren kan ein innimellom få snø når det er kaldt nok. Snødekket kan då gjerne ligge nokre veker. Ardennane skjermar derimot det meste av Luxembourg frå den milde havlufta frå Nordsjøen. Sørlege delar av landet er tørrare og har meir sol enn lenger nord. Lengst søraust ligg den skjerma Moseldalen, der sommaren og hausten ofte er varm nok til at ein kan dyrke vindruer.

[endre] Bakgrunnsstoff

Commons har multimedia som gjeld: Luxembourg

Vest-Europa

Den europeiske unionen (EU) og EØS-området:

Berre EØS:

Island | Liechtenstein | Noreg

Den nordatlantiske traktat-organisasjonen (NATO)	Fil:Flag of NATO.svg
Belgia \| Bulgaria \| Canada \| Danmark \| Estland \| Frankrike \| Hellas \| Island \| Italia \| Latvia \| Litauen \| Luxembourg \| Nederland \| Noreg \| Polen \| Portugal \| Romania \| Slovakia \| Slovenia \| Spania \| Storbritannia \| Tsjekkia \| Tyrkia \| Tyskland \| Ungarn \| USA