Wikipedia:Vilkår

Frå Wikipedia – det frie oppslagsverket

Målet med Wikipedia er å skapa ei informasjonskjelde i form av eit oppslagsverk som er fritt tilgjengeleg. Lisensen vi bruker, GNU fri dokumentasjonslisens (GFDL), gjev alle rett til fri bruk av vårt innhald, so lenge Nynorsk Wikipedia vert godskriven som kjelde.

[endre] Vilkår for bruk

Dette inneber at du har rett til å kopiera, modifisera og redistribuera Wikipedia-innhald heilt fritt, so lenge du sjølv følgjer GFDL-reglane, dvs. at du gjev dine brukarar dei samme rettane til å bruke materialet fritt, og at du godskriv Nynorsk Wikipedia.

[endre] Vilkår for å skrive

Viss du sjølv legg inn ein tekst i Wikipedia, samtykkjer du samtidig til utgjeving av teksten din under GFDL.

For at du skal vera i stand til å gje dette samtykket, må du anten sjølv ha opphavsretten til det stoffet du legg inn i Wikipedia (til dømes fordi du har produsert det sjølv), eller du må ha henta det frå kjelder som alle gjev høve til å utgje stoffet under GFDL, anten fordi innhaldet er fritt for opphavsrettar (t.d. når opphavsrettane er forelda og stoffet har vorte offentleg eigedom), eller fordi stoffet allereie er gjeve ut under GFDL.

Viss du innarbeider GFDL-materiale frå eksterne kjelder i ein Wikipedia-artikkel, må du naturlegvis oppgje namnet på kjelda.

Viss det er du sjølv som har produsert stoffet, beheld du opphavsretten til det. Du kan seinare gje det ut att eller omlisensiera det i kva form som helst. Men du kan aldri kalla tilbake GFDL-lisensen for den versjonen av stoffet som du har plassert her. Den vil alle andre òg ha rett til å bruka.

NB: Stoff som andre har opphavsrett til, må ikkje leggjast inn i Wikipedia utan løyve!