Heugrafia
Dendi Güiquipeya
La Heugrafia es la céncia que tié pol ohetu el estuyu e la superfici terrestri i la destribución espacial i las relacionis recíprocas de los chascus físicus, biulóhicus i socialis qu'en ella están manifestaus.
Nun sentiu crásicu la heugrafia es la descrición de la Tierra, peru uguañoti amás de descrebil la heugrafia trata e dal espricoteu. Es la céncia c'agrupa las demás céncias, tantu naturalis cumu socialis, endi l'Estória hata las Matemáticas, ya que los campus d'estuyu son mu variaus.
- En Heugrafia física estúyasi:
-
- Heumorfulohia, con métou de la Heulohia, la Litulohia i la Heufísica.
-
- Pedulohia, con métous de la Eafulohia i Heumorfulohia
-
- Climatulohia, con métous de la Meteorulohia i l'Estaística.
-
- Hidrulohia, continental i marina, con métous de la Heulohia, l'Oceanugrafia i l'Estaística.
- En Heugrafia umana estúyasi:
-
- Heugrafia de la pobración, con métous de la Demugrafia, la Sociulohia i las Matemáticas.
-
- Heugrafia rural, con métous de l'Agrunomia, la Climatulohia, l'Estaística i l'Ecunomia.
-
- Heugrafia ecunómica que reuñi:
-
-
- Heugrafia endustrial, con métous de las Matemáticas i l'Ecunomia.
-
-
-
- Heugrafia del turismu con métous de l'Ecunomia, las Matemáticas i la Sociulohia.
-
-
- Heugrafia urbana, con métous del Urbanismu, la Sociulohia i las Matemáticas.
Los métous de l'Estória apaicin en toas ellas, palrandu mesmaenti e heugrafia curtural, talmenti asina cumu los estaísticus i matemáticus. Tamién gástensi métous d'Astrunomia i Topugrafia pa hadel los mapas (Cartugrafia), asina cumo l'atelminación de códigus de sinus c'ayuen a entrepretalus.
Pol otru lau, la Heugrafia puei estuyalsi e horma heneral u concretá nuna zona, rehión u pais atelminau. Palramus asina e Heugrafia Heneral i Heugrafia rexonal qu'es la que s'acupa e la aplicación de los analís heugráficus a paisis concretus.