Jeografiya
De Wikipedia
ביאסי איסטי ארטיקולו אין לא גראפ׳ייא איברייא, גיוגראפײה
La Jeografiya es la sensia ke tiene por objekto el estudio de la superfisie terrestre i la distribusion espasial i las relasiones rekiprokas de los fenomenos fisikos, biolojikos i sosiales ke en eya se manifiestan.
En un sentido klasiko la Jeografiya (del grego geos, Tierra, i grafein, deskrivir) es la sensia de la deskripsion de la Tierra, pero oy en dia, ademaz de deskrivir, la Jeografiya trata de eksplikar. Se konsidera a la Jeografiya komo una sensia ke aglutina a todas las demaz sensias, tanto naturales komo sosiales, desde la Istoria hasta las Matematikas, puesto ke los objektos de estudio de la Jeografiya son munchos i muy variados. Sin embargo, la perspektiva de la Jeografiya es diferente; estudia los modos de organizasion del espasio terrestre, la distribusion de los elementos ke komponen el paisaje, sus formas, sus poblasiones... Ademaz, establese una dialektika entre la eksplikasion i la deskripsion del paisaje; i entre el metodo induktivo i el deduktivo. Para eyo estos elementos han de ser elejidos, seleksionados, ordenados, djuzgados i presentados. El analisis yeva al jeografo a komprender los modos de organizasion en el espasio.
Los prinsipales kampos ke estudia la Jeografiya i sus prinsipales sensias auksiliares son:
- En Jeografiya fisika se estudia:
-
- Geomorfolojiya, kon metodos de la Geolojiya, la Litolojiya i la Geofisika.
-
- Klimatolojiya, kon metodos de la Meteorolojiya i la Estadistika.
-
- Hidrolojiya, kontinental i marina, kon metodos de la Jeolojiya, la Oseanografiya i la Estadistika.
- En Jeografiya humana se estudia:
-
- Jeografiya de la poblasión, kon metodos de la Demografiya, la Sosiolojiya i las Matematikas.
-
- Jeografiya rural, kon metodos de la Agronomiya, la Climatolojiya, la Estadistika i la Ekonomiya.
-
- Jeografiya ekonómika ke engloba todas las aktividades ekonómikas komo:
-
-
- Jeografiya industrial, kon metodos de las Matematikas i la Ekonomiya.
-
-
-
- Jeografiya de los transportes i komersial kon metodos de la Ekonomiya, las Matematikas i la Sosiolojiya.
-
-
-
- Jeografiya del turismo kon metodos de la Ekonomiya, las Matematikas i la Sosiolojiya.
-
-
- Jeografiya urbana, kon metodos del Urbanismo, la Sosiolojiya i las Matematikas.
Naturalmente los metodos de la Istoria aparesen en todas eyas hasta el punto de ke se ha yegado a avlar de Jeografiya kultural, ansi komo los estadistikos i matematikos. Tambien se utilizan metodos de Astronomiya i Topografiya para realizar los mapas, (kartografiya), ansi komo la determinasion de kodigos de signos ke ayuden a interpretarlos.
Por otro lado la Jeografiya puede estudiarse de forma jeneral o konkretada en una zona, rejion o paiz konkreto. Se avla ansi de Jeografiya jeneral i Jeografiya rejional ke es la ke se okupa de la aplikasion de los analisis jeografikos a paizes konkretos.
Lista de jeógrafos kelebres
