Botánica
Dendi Güiquipeya
![Prantas enus montis Ruwenzori, África](../../../../images/shared/thumb/d/da/Ruwenpflanzen.jpg/350px-Ruwenpflanzen.jpg)
La 'Botánica, (el gregu βοτάνη = yerba) u Fitoluhia (el gregu φυτόν = pranta i λόγος = tratau), es la cencia que trata el estuyu los vehetalis. El concetu e vehetal, qu'estaba craru en tiempus d'Aristótilis, a queau desfaratau pol el ahilaeru el conocimientu, chegándusi a definil cumu tó aquellu qu'es ohetu d'estuyu la Botánica. Ena prática, los botánicus estuyan las prantas, las aovas i los cugumelus. Nel campu la Botánica, ai que deferencial entri la Botánica pura, cuyu ohetu es amplial la conocencia sobri la Naturaeza, i la Botánica apricá, cuyus huchaerus están al serviciu la tenulohia agraria, frorestal, farmacéutica, etc.
La Botánica cubri un cumpriu rangu e caltinius, qu'incluyin aspetus específicus própius los vehetalis; de las desciplinas biulóhicas que s'ocupan la composición química (fituquímica); la organización celulal (citoluhia vehetal) i tisulal (istoluhia vehetal); el metabolismu i el huncionamientu orgánicu (fisioluhia vehetal), el crecimientu i el esarrollu; de la morfoluhia (fitugrafia); de la reprodución; de la eréncia (henética vehetal); de las malotias (fitupatoluhia); de las adatacionis al ambienti (ecoluhia), de la distribución heográfica (fituheugrafia u heubotánica); de los fósilis (paleubotánica) i e la evolución.