Antáltia
Dendi Güiquipeya
La Antáltia es el mas meridional delos continentis, i unu e los dos mas chicus, con catorzi millonis de quiómetrus cuadraus. Arrodea al Polu Sul i poresi motivu está cuasi completamenti acenagau por enormis yelus, menus nalgunas zonas elevás delas cadenas montañosas i la estremidá norti dela península Antártica. La su formación se debi al desapartaeru 'el ogadañu supercontinenti Gondwana i el su enfriamentu sucediu enus últimus 40 millonis d'añus.
Por mol dela baha precipitación nel interiol puedi considerarsi el mayol desiertu 'el planeta. Comu tal, solu las espécies d'animalis mu adaptás comu el piguinu i el moo puedin sobrevivil.
Huridicamenti, la Antáldia está suheta al "Tratau dela Antáltia", porel cual las varias nacionis que revindican territórius nel continenti (Arhentina, Austrália, Chili, Fráncia, Noruega, Nueva Zelanda i el Reinu|Uñiu) concuerdun en suspendel tolas sus revindicacionis, abriendu el continenti a l'esploración científica.
Poresi motivu, i pola dureza delas condicionis climáticas, la Antáltida non tieni pobración permanenti, nostanti tieni una puebración residenti e científicus i personal d'apoyu enas basis polaris, qu'oscila entri el millar nel invielnu i los cuatru mil nel veranu.