Planta
De Biquipedia
- Ista plana trata sobre as plantas, sers bibos. Ta altros usos d'a parola se beiga Planta (desambigazión).
Plantas Rechistro fosil: de l'Ordobizián dica l'autualidat. |
||||
---|---|---|---|---|
Una escurpiona (Myosotis spp.) que ye una planta. |
||||
Clasificazión zentifica | ||||
|
||||
Dibisions | ||||
|
As plantas (reino Plantae) son es organismos fotolitoautotrofos respiradors d'oxicheno, mayoritariament plurizelulars anque bi ha dibisions formadas d'organismos unizelulars. Son formadors de materia organica á partir d'o carbono atmosferico (CO2) e de l'enerchía que obtienen de ra luz, meyante un prozeso bioquimico dito fotosintesis.
O termín planta ye bastant ambigo, perque en a tradizional dibisión que ban fer Teofrasto y Aristotels d'es sers bibos en dos reinos (animals y plantas) o prenzipal criterio embrecato no estiore si que ra capazidat de mobimiento d'as creyaturas. Se-bi han feto tantos cambeos en o zaguer sieglo que güei cale definir qué s'entendigue per planta d'entre dibersos criterios zentificos.
De bels estudeos de chenetica molecular se n'ha ixau que ras plantas con clorofila son tota deszendienz d'as algas berdas.
Autualment son consideradas como á plantas toz es organismos eucarionz, e plurizelulars, que d'una u altra traza tiengan bela mena de pigmento fotosintetico sia ta una alimentazión autotrofa ó semi-heterotrofa (cale recordar que bi ha plantas parasitas como ra bisca, ó carniboras como ras biolas d'as peñas). As plantas pueden reproduzir-se de forma sexual ó asexual, pendiendo de ra suya espezie, ó d'a fase d'o suyo zirclo bital á on sían (zirclos haplonz, diplonz ó haplodiplonz).
D'a parola planta estiore creyato ro bocable plantae ta desinnar o reino, y encara que totas as plantas propiament ditas son cuaternadas aintro d'iste reino, no de totas as plantae se n'ha dito mai plantas popularment; per exemplo, as molsas, hepaticas y altros organismes parellanz son teunicament plantae per as suyas carauteristicas pero no se n'ha dito mai plantas.
[editar] Durada
De regular, totas as espezies de plantas tienen una lonchebidat concreta. D'aucorde con ixe criterio, en botanica gosan á clamar-se ras plantas en:
- Anuals (ó añals); as cualas medran e se reproduzen aintro d'una sola añada: trigo, ordio, panizo, etz.
- Biennals; ixas que crexen en una añada y s'estan ta reproduzir-se en a siguient: berza, rabano, carrota, etz.
- Pluriannuals; aqueras que tienen un zirclo bital que s'acompleta en més de dos añadas, pero que nomás libran flors una begada abantis no amorten: p, ex. l'agabe.
- Perennes; que biben dibersos años e, cuan son plegadas ta l'edat adulta, prenzipan á reproduzir-se periodicament: arbols, matullos, etz...