Pflanzen
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Pflanze« |
| Pflanze | ||||||
|---|---|---|---|---|---|---|
 |
||||||
| Systematik | ||||||
|
||||||
| Wisseschaftlicher Namme | ||||||
| Plantae | ||||||
| Haeckel, 1866 | ||||||
| Underriiche | ||||||
|
 |
Dialäkt: Markgräflerisch (Ebringe) |
D' Pflanze bilde ä aiges Riich innerhalb vu de Domäne vu de Eukaryote. Mit ihne befasst sich wissenschaftlich d'Disziplin vu de Botanik. Pflanze läbe - im Gegensatz zue de heterotrophe Deerer un Pilze - fast usschließlich photoautotroph: Des heißt, si stelle die zum Waxe un Läbe notwendige organische Stoffe mit Hilf vum Sunneleecht dur Photosynthese selber her (Phototrophi). Debi nutze si als Chohlestoffquelle usschließlich Chohlestoffdioxid (Autotrophi). Usnahme sin ainigi parasitischi Pflanze, wo ihr Nahrig vu andere Pflanze bezige un im Lauf vu de Evolution ihr Chlorophyll (Blattgrüen) verlore hänn.
Historisch het sich d'Definition vum Begriff Pflanze gwandlet. So werre hüt Photosynthese betribendi Prokaryote wie bispilswiis d'Cyanobakterie (Cyanobacteria, früeher au Blaualge gnennt)) nimmi zue de Pflanze zellt. Säll giltet au fer ä ganzi Raihe vu Protiste-Arten (Aizeller), bispiilswiis d'Rotalge oder Brunalge. Au d'Pilz werre nimmi zue de Pflanze zellt, nit bloß, wil mer hüt waiß, dass sie nächer mit de Deerer verwandt sin, sundern au, wil si chai Photosynthese betriibe. Sie werre dorum inzwische in ihr aiges Riich gstellt.
Hüt folgt mer in de Biologi fast usschließlich im phylogenetische System, wo d'Pflanze anhand vu ihrer Abstammig systematisch gruppeert. Demnooch gelte bloß d'Grüenalge (Chlorophyta) näbe de Landpflanze (Embryophyta) als echti Pflanze. Alli sälli Organisme enthalde Chlorophyll a un Chlorophyll b un spaichere die photosynthetisch produzeerte Zucker in Form vu Stärchi in de Chloroplaste. D'Zellwänd vu sällene Organisme besten us Zellulose.
Pflanze trätte oft in charakteristische Gruppe, de so gnennte Pflanzegsellschafte uf. Pflanze chänne dur Abgab vu allelopathische Stoffe uf anderi Pflanze iwirke.
[ändere] Systematik
Es isch z'beachte, dass d'Underdailig in Klasse, Abdailige, etc. nit nur ime ständige Wandel underworfe isch, sundern dur die dodemit etableerte Räng hüt au als umstritte giltet. Viilerorts in de Fachwelt wird hüt an ere ranglose Taxonomi gschafft. D'Wikipedia folgt allerdings do (noch) de klassische Systematik.
Grüenalge (Chlorophyta)
- Prasinophyta
- Pedinophyta
- Chlorophycota
Landpflanze (Embryophyta)
- Moose (Bryophyta)
- Marchantiopsida
- Jungermanniopsida
- Laubmoose (Bryopsida)
- Hornmoose (Anthocerotopsida)
- Gfäßpflanze
- Gfäßsporepflanze (Pteridophyta)
- Urfarne (Psilophyta)
- Bärlapppflanze (Lycopsida)
- Schachtelhalme (Equisetopsida)
- Farne (Filicopsida)
- Somepflanze (Spermatophyta)
- Nodelholzgwäxe (Coniferophyta)
- Palmfarne (Cycadophyta)
- Gingkopflanze (Ginkgophyta)
- Gnetophyta
- Blüetepflanze (Magnoliophyta)
- Gfäßsporepflanze (Pteridophyta)
Lueg au: Systematik vum Pflanzeriich
[ändere] Weblinks
Der Artikel basiert uf ere eng an de Artikel „Pflanzen“ in de dytsche Wikipedia aglähnte Ibersetzig
