Reino (biolochía)
De Biquipedia
En biolochía, un reino ye cuasi ro ran més alto d'a clasificazión taxonomica d'es organismos, y dende ra imposizión d'o Sistema d'es Tres Dominios ye ra trestallazión propia només d'es eucariotas. Autualment l'unico taxón superior t'es reinos ye ro dominio. Per baxo d'es reinos se-bi troban es Phyla (sing. Phylum) aintro d'o reino animal y d'o reino protista, y ras dibisions aintro d'as plantas y d'os fongos.
En ra suya obra Systema Naturae, d'o 1735, Carl von Linné (Carolus Linnaeus, dito popularment Lineo) establiba dos reinos d'as "cosas bibas": Animalia t'es animals y Vegetabilia t'as plantas. Lineo también recullere sobre d'es minerals, os cuos trestalló en un terzén reino: Mineralia. Aintre d'os reinos animal y bechetal, Lineo ya cuaternere es organismos en Phyla y Dibisions.
Cuan se prebó de clasificar es organismos unizelulars que se conoixiban á l'epoca (toz eucariotas) s'abió de trestallar aintro d'es reinos existenz: es microorganismos mobiles aintro d'o Phylum Protozoa d'Animalia, y ras algas aintro d'a dibisions Protophyta y Tallophyta d'o reino Vegetabilia. De totas trazas, muitas d'as formas que s'eban de clasificar no yeran garra faziles de posar, e muitas d'autras estioron remobudas d'un reino t'autro en ras següenz añadas per diferenz autors; per exemplo, ras algas mobiles d'o chenero Euglena y es fongos ameboides.
Como á resultau ta ixe problema clasificatorio, ro naturalista alemán Ernst Haeckel desiñere una nueba clasificazión, trencando l'anterior esquema de només dos reinos, e introduziendo uno de terzén: es Protistas, ta meser-ie toz es organismos unizelulars.
Iste articlo ye un borrador. Enamplando-lo aduyarás á amillorar a Biquipedia.
