Eukarya
De Biquipedia
- Iste articlo trata sobre ro dominio taxonomico Eukarya. Ta atros epregos d'a parola eucariota se beiga Eucariota (desambigazión).
| Eukaryotes | ||||
|---|---|---|---|---|
| Clasificazión zentifica | ||||
|
||||
| Reinos | ||||
|
En biolochía, Eukarya ó Eukaryota ye ro dominio d'es organismos que tienen as zelulas con berdaders nuclios. Á ras luengas latinas, l'adaptazión correuta d'o termín ye eucariont ó eucarionte. As transliterazions eucaria ó més á sobent eucariota fan referenzia t'as zelulas que composan istos organismos: as zelulas eucariotas. l'Etimolochía d'o termín ye "Eu", d'o griego bien ó buen, y "Karyon", zentro ó nuclio; en conxunto puet-se interpretar como á Bien nucleiato/a.
O conxunto d'es organismos eucarionz encluye dend'es organismos plurizelulars an ras zelulas son espezializadas á fer fainas concretas e talment lis-en sería imposible de sobrebibir anisoladas, ent'a muitas (mas que no totas) espezies unizelulars. A resta d'altros organismos bibos (toz unizelulars) se cuaternan aintro d'es autros dos dominios: Archaea y Bacteria.
Pertenixen ent'o dominio Eukarya cuatro reinos: Animalia, Plantae, Fungi y Protista. Toz ers tienen carauteristicas parellanas á ran molecular (estrutura d'es lipidos, proteinas, y chenoma) y tienen abantepasaus comuns. Se'n piensa que es suyos orichenes fincan á agora fa bels 2 mil millons d'añadas, tot y que l'aucorde no ye unanime. Fosils prebios no se cuaternan fazilment.
As primeras trazas que poderían relazionar-se con es grupos modernos d'eucarionz emprenziparon á apreixer agora fa bels 800 millons d'añadas, á mientres que ra mayoría d'es grupos fosils que güei se tienen bien definius no aparixón dic'o cambrico.
Es eucarionz s'han cuaternato en cuatro reinos: Protista, Plantae, Animalia y Fungi, que poderían estar zinco seguntes Cavalier-Smith (es anteriors més o reino Chromista) ó encara muitos més perque bels autors eban considerau que muitos d'es organismos unizelulars aberían d'estar clasificaus á trestallo, fendo puyar á posible xifra de reinos ent'a bentena.
O reino Protista ye ro que á taxonomía se clama un grupo parafiletico. Ixo quier dezir que es suyos miembros han estau en muitos casos cuaternaus asinas perque simplement no enchascaban garra bien aintro d'autras agrupazions; ye per ixo que que ra suya dibersidat ye semilar ent'a dibersidat fundamental d'es eucariontes.
Á ra rezient clasificazión de Adl et al. (2005) s'axopan es problemas d'a clasificazión aintro de reinos sustituyint-ne istes taxons per una colla de grupos filoxenicament emparentaus ent'es cuos no lis-en aplica garra categoría á fines de no aber o problema d'a suya posterior autualizazión. Ista sistematica puet beyer-se á trazas graficas con ista aplicazión en web:
creyada per Wolf et al. á on s'amuestran es rans cladisticos y ras suyas equibalenzias con es reinos anteriors. Asinas, es grans clados serian istes:
- Amoebozoa (belas d'as amebas o ameboflagelados)
- Archaeplastida (encluye á Plantae entre d'altros grupos)
- Chromoalveolata (como ro suyo nombre endica, encluye á Alveolata y atros grupos que formeban parti d'o reino Chromista propuesto por Cavalier-Smith en o 1981).
- Excavata (encluye bels protozous flaxelatos, ameboides o ameboflaxelatos)
- Opisthokonta (encluye a Fungi y Animalia, entre d'altros)
- Rhizaria
Se beiga que ras formas ameboides o flaxelars no endican pertenenzia ta dengún d'es grupos, como se crediba abantis, sines de creyar nuebas collas artifizials dend'o punto d'embista ebolutibo.
