Waterverfskilderkuns

vanuit Wikipedia, die vrye ensiklopedie.

Waterverfskilderkuns (of akwarelkuns, afgelei van die Franse woord vir waterverf) maak gebruik van 'n verf wat verkry word deur 'n kleurpigment te meng met 'n bindingsmiddel wat oplosbaar is in water. Bindmiddels wat gebruik kan word vir waterverf sluit in eiwitte (Kaseien) of koolhidrate (setmeel) of silikaat soos waterglas. Moderne waterverwe word ontwikkel vir beter kleurvastheid en maak gebruik van lateksagte bindmiddels soos polistireen-butanien. Waterverf word in buisies of in blokkies verpak vir verspreiding en gebruik.

Waterverf as 'n medium se gedrag is dikwels onvoorspelbaar. In teenstelling met ander media soos byvoorbeeld olieverf is waterverf deurskynend van aard en as 'n laag verf eers aangewend is kan dit nie weer verwyder word nie. 'n Waterverfskildery benodig dus heelwat beplanning sodat ligte lae aangewend word voor die meer donker lae. Die voordeel van waterverf bo ander skilderkunstegnieke is dat dit nie duur toerusting benodig nie, toerusting maklik vervoer kan word en opruiming na die tyd gemaklik is.

[wysig] Geskiedenis van wateverfskilderkuns

• Antieke Egiptenare het reeds 'n tipe waterverf gebuik vir die versiering van hul grafte.
• Die Sjinese het reeds waterverfskilderkuns beoefen in ongeveer die jaar 4.
• Die Duitse kustenaar Albrecht Dürer het baie ernstig gebruik gemaak van waterverf veral vir sy studies van die natuur.
• Waterverf is in die 18de eeu in Brittanje erkenning gekry as 'n nasionale kunsvorm met 'n groot fokus op veral landskappe.
• Gedurende die 19de eeu het verskeie nuwe waterverftegnieke ontwikkel om 'n groter verskeidenheid van onderwerpe uit te beeld.
• Waterverf bly 'n gewilde medium in die 20ste eeu.
• Die Waterverfgenootskap van Suid-Afrika is in 1973 gestig.

[wysig] Bekende waterverfskilders

• Albrecht Dürer 1471 - 1528
• Georg Dionysius Ehret 1708 - 1770
• John Constable 1776 - 1837
• Paul Sandby 1725 - 1809
• John Cozens 1752 - 1797
• Thomas Girten 1775 - 1802
• Francis Towne 1740 - 1816
• JMW Turner 1775 - 1851
• John Sell Cotman 1782 - 1842
• Peter de Wint 1784 - 1849
• William Blake 1757 - 1827
• Samuel Palmer 1805 - 1881
• Samuel Prout 1783 - 1852
• John Frederic Lewis 1805 - 1876
• Richard Parkes Bonington 1802 - 1828
• Eugène Delacroix 1798 - 1836
• Vassily Kandinsky 1866 - 1944
• Raoul Dufy 1877 - 1953
• Graham Sutherland 1903 - 1980
• Paul Nash 1889 - 1946