Gebruiker:Alias
vanuit Wikipedia, die vrye ensiklopedie.
| af | Hierdie gebruiker se moedertaal is Afrikaans. |
| en-2 | This user is able to contribute with an intermediate level of English. |
| nl-1 | Deze gebruiker heeft elementaire kennis van het Nederlands. |
Ek dra by hier by die Afrikaanse Wikipedia sedert April 2004. Ek is ook 'n administrateur en burokraat. Ek kon tot dusver in 2007 ongelukkig aansienlik minder bydra weens tyddruk en beperkte Internettoegang. Verstaan asseblief dat my antwoorde bietjie stadiger kom as vantevore en my bydrae heelwat kleiner is. Ek wil steeds betrokke bly en sal probeer om by die administratiewe dinge uit te kom soos versoek. My situasie behoort later in 2007 weer te verbeter.
Ek ly 'n bietjie aan privaatheidsparanoia en daar is dus nie veel persoonlike inligting van my hier te vinde nie. Ek sal graag Wikipediane persoonlik ontmoet of mense toespreek. Kontak my op my besprekingsbladsy of per e-pos.
[wysig] Bydraes
Ek werk hoofsaaklik aan administrasie, projekbladsye en taalgebruik. Sommige bladsye wat ek wel geskep het of waaraan ek hard gewerk het:
- Tuisblad en vele bladsye in die Wikipedianaamruimte
- Rekenaarwetenskap, Vertalerkonstruksie
- Internet
- Wolfgang Amadeus Mozart
- Skrikkeljaar, Gregoriaanse kalender
- Nederland
- Hugenoot
- Calvinisme, Protestantisme
- Roodepoort
- Kaart Afrika.jpg (vertaling vanaf Nederlands in samewerking met Gebruiker:Danielm)
- Eerste Wêreldoorlog, Tweede Wêreldoorlog
- Christopher Columbus
- Londen
- Rusland
- Musiek, Harmonie
- Lys van hoofstede, Hoofstad
- Tale in Suid-Afrika en al dié tale self (kort nog baie werk)
- President
- GNU, GNU/Linux, Linux
- Petrol
- Bobby Fischer
en vele ander wat ek vergeet het om hier te noem.
[wysig] Woordeboeke
Ek het toegang tot 'n hele paar woordeboeke (nie almal my eie nie). Meeste is vakwoordeboeke vir allerhande obskure vakgebiede. Sommige is oud, maar hopelik is selfs die oudstes nuttig in party gevalle. Kontak my gerus hieroor. (Sien ook Wikipedia:Terminologie.) Ek besit ook die 2002-AWS, A-O WAT en ander styl- en taalgidse. Ek probeer om goeie taalgebruik hier te bevorder.
[wysig] Seepkis
Ek gebruik nie sommer Wikipedia as my seepkis nie, maar ek het intussen onthou dat daar 'n rede is hoekom ek 'n skuilnaam gebruik, en hierdie is immers my eie bladsy. Nadat ek weer hewig ontstel is deur die absolute ontkenning van ons taal en die geïnstitusionaliseerde diskriminasie teen Afrikaans, het ek besluit om tog nog uit te hou en te probeer om 'n bydrae hier by Wikipedia te lewer. Ek wil graag my mede-wikipediane en Afrikaanssprekendes aanmoedig om nie tevrede te wees met Engels, as Afrikaans redelikerwys gebruik kan word, nie. Jou bank kán Afrikaans praat. Die polisie kán Afrikaans praat. Bedien gerus almal in ons land in al die tale wat jy magtig is. Elke taal wat mens kan praat, is 'n ekstra stuk gereedskap. Maar as jy 'n kliënt is, kan jý mos maar besluit hoe dinge gaan werk (as die persoon wat die diens lewer wel Afrikaans kan praat). Ondersteun organisasies wat kliënte in Afrikaans bedien. En mag ons asseblief tog net MET MEKAAR nog Afrikaans praat? Magistraat! Waar kan ek aansoek doen om die lisensie?
Kom ons probeer om ten minste hier en daar die Anglisismes en leenwoorde te beperk. As ek eendag 'n oupa op die stoep is, wil ek steeds myself kan verstaanbaar maak in Afrikaans. Nee, nie 'n Afrikaans waarvan elke derde woord Engels is nie. Afrikaans.
