Puertoricaonse Onafankelijkeidspartij
Uut Wikipedia
De Puertoricaonse Onafankelijkeidspartij (Spaons:Partido Independentista Puertorriqueño), kortwig PIP, is een politieke partij op Puerto Rico. De partij streef ni den onafankelijkeid van Puerto Rico van de Vereênigde Staeten. De partij bezit 9,5 percent van de stemm'n (november 2004) en 't is de op êen ni oussen partij op Puerto Rico.
[bewerk] Heschiedenisse
De Puertoricaonse Onafankelijkeidspartij behon as de politieke takke van de Puertoricaonse onafankelijkeidsbewehieng. Van aolle onafankelijkeidspartij'n is de PIP den eênigsen die a bie de verkiezieng'n op de stembriefjes wor aneheven. De PIP wier offisjeel opericht op 20 oktober 1946 deur Gilberto Concepción de Gracia.
In 1971 orhaniseern de PIP-leier Rubén Berríos een protest tehen de U.S. Navy in Calebra. Iervoe wier 't en drie maen'n opeslootn. In 1999 wier de PIP wee betrokk'n bie de Vieques-protessen, een protest deur de inweuners van Vieques tehen de anwezigeid van 't Amerikaonse leher.
In 2004 leek 't der op da de Puertoricaonse Onafankelijkeidspartij zen offisjele erkennieng hoeng verliezen, mè deur een antekeniengenactie kon dit worn vorkomm'n.
[bewerk] Symboôl van den partij
't Symbool van de Puertoricaonse Onafankelijkeidspartij is een hroene vlahhe mie een wit kruus. De partij wor dideur ok wè de hroene partij enoemd.
De hroene kleur symboliseer volhens de PIP den oop op vrieheid en 't witte kruus 't offer wat a divoe mò worn ebrocht.
[bewerk] Belangrieke partijleiers
- Dr. Rubén Berríos
- Manuel Rodríguez Orcellana
- Fernando Martín
- María de Lourdes Santiago
- Juan Dalmau Ramírez
- Dr. Gilberto Concepción de Gracia
