Coleur

Èn årtike di Wikipedia.

Li coleur d' ene sacwè k' on rwaite, c' est l' sinsåsion kel cervea rçût a pårti des ouys, ki provént del wachlire del loumire ki rispite foû di ç' sacwè la. Les sôres di coleurs vont do rodje (avou l' pus grande longueur di wachlire, å violé (avou li pus ptite), et on les pout vey totes, par ôre, dins l' airdiè.

Ådvins 1 Sôres di coleurs 2 Les tons 3 Coleur des biesses 3.1 tchivås 3.2 vatches 3.3 colons 3.4 taetches (so les biesses u les oujheas) 4 Coleurs do vizaedje, del pea, des tchveas, des mousmints. 4.1 Vizaedje 4.2 Pea 4.3 Mousmints 5 Sicolodjeye et coleurs 5.1 Dins l' cåzaedje di tos les djoûs 5.2 Essegnreçté des coleurs 5.2.1 Simboles djenerås 5.2.2 Simboles politikes 6 Hårdêye difoûtrinne 7 Sourdants

[candjî] Sôres di coleurs

• Li manke di coleurs :
  • blanc : ene sacwè est blanc cwand i riboute totes les wachlires del loumire do solea.
  • noer : ene sacwè est noer cwand i leye amoussî totes les wachlires del loumire do solea.
• Les coleurs soûmintreces.
  • bleu
  • rodje
  • djaene.
• Les maxhêyès coleurs
  • bleu + rodje => brun
  • rodje + djaene = orandje.
  • djaene et bleu = vert.
  • blanc + noer = gris.
  • rodje + blanc = rôze

[candjî] Les tons

(metous do pus foncé å pus clair)

• Tons do blanc
  • blantchåd. (F. crème)
  • blankinasse (F. blanc cassé)
• Tons do djaene :
  • djaene frumint (Inglès gold).
  • djaene cocu = djaene vif.
  • djaene citron
  • djaenåsse
• Tons do rodje :
  • rodje vif
  • incarnåt (Inglès magenta)
  • rodje ampone (a pô près l' minme)
  • rodjåsse
• Tons do vete
  • vert sapén.
  • vert foye
  • vert schite
  • verdåsse
  • verdinaesse
  • vert-di-gris
  • vert sôdård
• tons do bleu :
  • bleu schaye
  • bleu-bijhe (coleur di sacwants colons d' tape)
  • bleu waisse = bleu rwè
  • bleu marene
  • bleu cir

• Tons do rôze.
  • rôze påpåd.
  • rozlant (F. vermeil).
• tons do brun
  • brun eruni.
  • morea, morete.
  • brun caki
  • brun caramel
  • brun schite
  • baije
  • mineme (brun rossea) ^[1]

• tons do gris
  • årdjinté gris.
• tons måve / viyolé
  • viyolé
  • måve
  • måve clawson
• tons do rosse
  • pwel-di-carote
  • rossea, rossete.
• tons do noer
  • noer waisse (bleu foncé foirt foncé)

[candjî] Coleur des biesses

[candjî] tchivås

• baye : bruns poys sol coir avou ene noere kaime, et des noers poys å dbout des pates (F. bai)
• on gris roncin / ene grijhe cavale : poys bruns, noers et blancs maxhîs (F. aubère)

[candjî] vatches

• cabolêye vatche u caflorêye vatche: avou do blanc et ene ôte coleur, pa grossès taetches (did la, li spot : gn a nole cabolêye vatche ki n' åye des taetches).
  • ene cabolêye bleu, ene cafloreye bleuwe : ene vatche blanke et bleuwe (F. Pie-bleue).
  • ene cabolêye rodje, ene cafloreye rodje : ene vatche blanke et rodje (F. Pie-rouge).
  • ene cabolêye rodje, ene cafloreye noere : ene vatche blanke et noere (F. Pie-noire).

[candjî] colons

• bleu-bijhe
• mayté

[candjî] taetches (so les biesses u les oujheas)

• agaesse (avou des grandès taetches noer et blanc)
• moxhi noers pwels dins on blanc poyaedje u l' contråve.
• tapiné u mayté tote pititès taetches.

[candjî] Coleurs do vizaedje, del pea, des tchveas, des mousmints.

[candjî] Vizaedje

• rayi do solea (F. bronzé).
• rozlant.
• blanc-moirt, blanc come on moirt.
• bladje, bladjot (raece u mwaijhe santé), siblari (mwaijhe santé).

[candjî] Pea

• morea, morete (come les Moritanyins).
• cabolé (metisse).

[candjî] Mousmints

Lomaedjes des mousmints di scwantès coleurs :

• cote, taeye ås poes (pitites tondès taetches).
• tchimijhe ås carimadjoyes, carimadjoylêye.

[candjî] Sicolodjeye et coleurs

[candjî] Dins l' cåzaedje di tos les djoûs

Les coleurs sont ene sacwè ki fwait rispiter des sintimints muchyîs sordivintrinnmint. On pout vey çoula : Dins l' lomaedje des coleurs : insi, e walon, des novelès coleurs, po les mousmints prindèt rade des nos e francès (baije). E l' arabe marokin, li no des coleurs, minme tote simpe est dit e francès, å mitan d' ene fråze pår arabe. E Senegal, les Peuls, on peupe di l' aschate do dezert ni vlèt nén k' on deye k' i sont noers. I fåt dire k' i sont rodjes.

[candjî] Essegnreçté des coleurs

[candjî] Simboles djenerås

Po les publicisses, tote les coleurs sont assoçnêyes dins l' parfond d' nos-minmes, a des sacwès :

• les djaenes foncés et l' orandje, a l' esté, et å solea (riclames po les vacances)
• les bleus clairs å froed (riclame po les frigos, les edjaloes).
• li rôze ås radjoûs amoreus (waibes pornos)
• li blanc al purté (dins les imådjes rilidjeuses).
• li noer å diale.

[candjî] Simboles politikes

• li vete al nateure et ås pårtis ecolos.
• li bleu waisse (bleu rwè) ås pårtis catolikes.
• li rodje ås comunisses et ås socialisses. Dins les waibes et les afitches, po fé rexhe des mots k' i fåt di tote foice riwaitî.
• li brun ås pårtis del foite droete (nazi, fachisses, recsisses).
• li rodje et l' djaene, c' est les coleurs-essegnes del Principåté d' Lidje, riprinjhes sol drapea walon.

[candjî] Hårdêye difoûtrinne

• Les coleurs e walon (prezinté e l' inglès).

[candjî] Sourdants

1. ↑ mot saetchî do Houlot; dins l' motî d' Vervî : "minî-minene" coleur "inte les deus"