Japanese leid
Frae Wikipedia
 Featurt Airticle |
Featurt version: 25 Mey 2007 (diff tae current) |
|
This airticle haes been Airticle o the Week. — Ye can vote for or nominate yer favourite airticles at Wikipedia:Airticle O The Week Nominations.
|
|
Japanese (日本語 "Nihon-go" or "Nippon-go" in Japanese) is the leid spak on the island kintra o Japan, in Eastren Asie.
Japan haes juist the five vouel soonds. They are /a/, /i/, /u/, /e/, /o/. Japanese haes juist the ae soond atween L an R, insteid o the twa soonds that Scots haes. That's hou it's difficult for mony Japanese fowk tae say the Scots 'R' an 'L'. Japanese haes a soond no aft foond in Scots that's for ordinar wrat Tsu. Forby thon, vouels can be baith short or lang. For example, benkyousuru （べんきょうする）(tae study) haes a lang "o".
In Japanese, the verb comes at the end o the sentence, an the subject's at the beginnin. The subject is aften implee'd bi the context an can be left oot.
In Japanese, Japan is cried Nihon (日本), an the Japanese leid is cried Nihongo (日本語) (-go means leid). Whiles the wirds Nippon and Nippongo is uised an aw; these wirds is thocht o as mair nationalist the nou, while Nihon is a mair neutral wird.
[edit] Writin seestem
The Japanese leid uises three writin seestems, kanji (漢字), katakana (カタカナ) an hiragana (ひらがな). Katakana is for writin soond effecs an wirds fae ootwi o Japan. Hiragana is for writin wirds fae inside Japan. Baith writin seestems haes seembols that means a seelable. Katakana haes strauchter lips an shairper neuks nor hiragana. Hiragana haes mair bowes nor katakana.
The third wey tae write, cried kanji (漢字), whaur ilka wird or idea haes a pictur chairacter taen fae Cheenese. For tae can read Japanese, students maun learn aboot 2,000 kanji. Mony kanji is made fae mair smaw, sempler kanji.Kanji haes unalike soonds whan uised in unalike weys, but ilka kanji still haes anerly certaint weys it can be read.
Written Japanese disna hae spaces atween wirds, sae kanji helps sinder wirds in a sentence.
Japanese can be wrat in twa weys:
- Fae left tae richt, muivin fae the tap tae the dowp o the page (same as in Scots).
- Fae tap tae dowp, muivin fae the richt tae the left o the page.
Sentences in Japanese is makkit like this: subject, object, verb. For example, A ate an aiple the day (今日、私はりんごを食べました) wad be in this order The day, A aiple ate.
[edit] Examples
Here's some examples o Japanese wirds :
- 人 (hito) : body
- 女 (onna) : wifie
- 男 (otoko) : man
- 水 (mizu) : watter
- こんにちは (konnichiwa) : hello (in the mids o the day or efternuin)
- さようなら (sayounara) : guidbye
- はい (hai) : aye
- いいえ (iie) : no
[edit] Fremmit airtins
