Literatura
Un article de Wikipèdia, l'enciclopèdia liura.
Etimològicament, la literatura es l'art d'escriure. Ça que la, lo concèpte de literatura inclutz:
- L'ensems d'òbras escrichas o oralas fondadas sus la lenga e que compòrtan una dimension estetica (a diferéncia, per exemple, de las òbras scientificas o didacticas).
- Las activitats de produccion e d'estudi de dichas òbras
- L'ensems de tèxtes publicats ligats amb una disciplina o tèma en particular, dintre d'una dimension estetica o non. Es, dins aquel sens, que podèm parlar, per exemple, de la literatura scientifica. Atal, s'entend coma literatura una colleccion de tèxtes, que fan generalament partida d'un grop lingüistic determinat (per exemple, literatura occitana, catalana o anglesa), o ligats a un tèma, a una epòca o a un contèxt social determinat (literatura novecentista, feminista...). Evidentament, los classaments literaris son subjectius, e pòdon èsser controvertits dins fòrça cas. Se pòt tanben classificar (o sosclassificar) generalament la literatura en genres literaris. E se pòt considerar coma literatura tot tipe de tèxt e tot tipe de trabalh basat suls simbòls (la benda dessenhada, las imatges...). Ça que la, se considèra correntament de literatura solament los tèxtes escriches d'una cèrta qualitat e non pas las creacions popularas coma la benda dessenhada.
[Modificar] Literaturas del mond
- Literatura alemanda
- Literatura anglesa
- Literatura basca
- Literatura bretona
- Literatura castelhana
- Literatura catalana
- Literatura francesa
- Literatura grèga antica
- Literatura grèga bizantina
- Literatura grèga modèrna
- Literatura italiana
- Literatura occitana
- Literatura ongresa
