Benda dessenhada
Un article de Wikipèdia, l'enciclopèdia liura.
Una benda dessenhada es una narracion realizada mejançant una sequéncia d'imatges o illustracions juxtapausadas de manièra deliberada, qu'an coma objectiu de transmetre una istòria o mantuna informacions al lector, e al meteis temps de produire una impression estetica. Sa definicion tanben se resuma coma art sequencial.
L'origina del mot se remonta a las illustracions satiricas e ironicas, anterioras a las bendas dessenhadas modèrnas. La diversitat dels genres e los publics es actualament la meteissa que la dels autres lengatges. Fòrça cercaires considèran qu'una banda dessenhada s'a de reprodusir e difusir per sistemes mecanics, donc, plaçan lo començament del comic en 1829, quand lo soís Rodolphe Töpffer publiquèt son primièr album. D'autres identifican las bendas del diari Yellow Kid coma la primièra benda dessenhada. D'autres cercaires especializats en dessenh e comunicacion supralingüistica exigisson pas qu'una benda dessenhada siaga difusida de manièra massiva per la considerar atal, e per aquò plaçan las primièras mòstras dins de manifestacions fòrça pus ancianas coma los relèus romans o las pinturas de l'art de l'Antic Egipte.
Per fòrça personas, la banda dessenhada es considerada l'art novèl.
