Comic
Vun Wikipedia
Comics sünd Billergeschichten mit Text. Meistiet steit de Dialog in de Biller in „Spreekblasen“. Dat gifft en Barg ünnerscheedliche Stilrichten vun Comics. Dat köönt realistische Biller aver ok lustige Karikaturen ween. Vele Comics worn aleen vun en Minsch maakt. Aber vör allem in Amerika hebbt se för populäre Comics ok ganze Studios mit en Mass Teekner un Schriever de en Serie vun Comics maakt.
Inholtsverteken |
[ännern] fröhe Comics
In Dütschland hett Wilhelm Busch 1865 de bekannten Figuren Max un Moriz tekent. Dat was een vun de eerste Comics. Besünners in de verienigte Staaten geev dat later in de Dagblääd lustige Billergeschichten, de meist bloß dree oder veer Biller harrn. Windsor McKay deit dann ok längere Geschichten teken. Sien „Lütten Nemo in Schlummerland“ (1905 to 1911) was künstlerisch en utstekend Arbeid.
[ännern] Comics int 20ste Johrhunnert
In de USA was dat Wort Comic opbröcht, wiel de Billergeschichten meist lustige (engelsch: funny oder comic) Dinge vertellt hebbt. Int 1929 kemen dann ok immer mehr realistische Geschichten dorto: Buck Rogers un Tarzan weern de eersten Abenteuergeschichten in Biller. Man de Naam Comic bleev bestaan.
Ook 1929 word de eerste Geschicht vun „Tim und Struppi“ (fr: Tintin) in en belgisch Dagblatt afdruckt. In Europa wassn de meisten Comics in Frankriek un Belgien verköfft. Dorbie hebt sik ne Masse Tekener bi ehrn Geschichten un Witzen an de Filmen vun Walt Disney orienteert.
[ännern] Priesen
Den Max & Moritz-Pries gifft dat all twee Johren bi de Comic-Salon in Erlangen.
[ännern] Bekannte Comics un jemehr Autoren
- “Tim und Struppi“ vun Hergé
- “Spirou und Fantasio“ vun Vandersteen, Franquin un annere
- „Asterix“ vun René Goscinny un Albert Uderzo
- „Fix und Fox“
- „Alfred J. Kwak“ vun Herman van Veen, Hans Bacher un Harald Siepermann
- "Jimmy das Gummipferd"
- “Werner“ vun Brösel
- "Das kleine Arschloch" vun Walter Moers
- "Little Nemo in slumberland" vun Windsor McCay
- "Krazy Kat" vun George Herriman
- "Superman" vun Joel Schuster
- “Batman“ vun Bob Kane
- “Micky Maus“ vun Disney, Iwerks, Gotfredson un annere
- “Donald Duck“ vun Carl Barks un annere
- „Garfield“ vun Jim Davis
- "Maus" vun Art Spiegelmann
- „Die Peanuts“ vun Charles M. Schulz
- „Calvin und Hobbes“ vun Bill Watterson
[ännern] Plattdütsche Comics
- Asterix: De Törn för Nix
- Asterix un de Wikingers
- Asterix: Harmonia-City (hamburgisch)
- Mit Käpten Donald op hoge See
- Local Heroes schnacken Platt vun Kim Schmidt
- De Figur Werner kump ut Kiel un darüm bünt da ook mal plattdütsche Wörters in de Dialoge. Man richtig platt schnackt word dor nich.
