Lauenbrüch

Vun Wikipedia

Wapen/Flagg	Koort
Basisdaten
Bundsland: Neddersassen Landkreis: Rodenborg (Wümm) Samtgemeen: Fintel
Flach:	21,89 km²
Inwahners:	2.163 (31. Dezember 2006)
Inwahnerdicht:	98,8 Inwahners pro km²
Hööch:	31 m över NN
Postleettall:	27389
Vörwahl:	04267
Geograafsche Laag:	Koordinaten:53° 12′ N, 9° 34′ O53° 12′ N, 9° 34′ O
Gemeenslötel:	03 3 57 033
Öörd in de Gemeen:	1
Börgermeester:	Jochen Intelmann (SPD)
Websteed:	www.fintel.de

Lauenbrüch is en Oort un Gemeen in de Samtgemeen Fintel in’n Landkreis Rodenborg (Wümm) mit ruchweg 2.200 Inwahners. In Lauenbrüch is ok de Sitt vun de Verwalten vun de Samtgemeen Fintel.

Inholtsverteken 1 Geografie 2 Geologie 3 Historie 4 Politik 4.1 Gemeenraat 4.2 Börgermeester 4.3 Wapen 5 Kultur 6 Verkehr 7 Bildung

[ännern] Geografie

Lauenbrüch liggt in de Mitt vun de Samtgemeen mit de Gemenen Helsch un Stemmen na Noorden to un Vahlde in’n Süüdoosten. In’n Süüden un Süüdwesten slutt sik de Eenheitsgemeen Scheeßl an un na Noordoosten hen besteiht Kuntakt to’n Landkreis Horborg.

De Gemeen un jüst so ok de Oort Lauenbrüch is ümgeven vun Woold- un Moorrebeden, Seen, Auen un Heidflachen. Dat is also ’n ruhige Laag, man dicht bi de Verkehrsweeg na Hamborg oder Bremen, de dormit licht antoföhren sünd.

[ännern] Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

[ännern] Historie

Dat eerste mol weer Lauenbrüch in en Oorkunn nöömt in’t Johr 1358. De Naam kummt kummt vun en olle Schrievwies vun Sieten vun de Hertöög vun Bronswiek un Lünborg, de siet dat fröhe Middelöller den Lööv in jemehr Wapen föhrt. De achtere Naamsdeel düüt op en Brüch: In dat Rebeet verlööp fröher en Heerweg, de an disse Steed över de beiden Strööm Wümm un Fintau föhrt hett. Dorüm is de Oord hier tostannen kamen. De Brüch weer vermodtlich en Pahlbrüch, de 40 bit 80 Meter lang wesen hebben schall. Henwiesen, dat dat de Brüch tatsächlich geven hett, sünd bi’n Neeboo vun de Sahlglied opfunnen worrn, as dorbi ruchweg 600 Johr olle Ekenpöhl utgraavt weern.

[ännern] Politik

[ännern] Gemeenraat

Siet de Kommunalwahl 2006 sett sik de Gemeenraat as folgt tosamen:

Partei	2006
CDU	5
SPD	7
Bündnis 90/De Grönen	1

[ännern] Börgermeester

Börgermeester vun de Gemeen is siet 2002 de SPD-Politiker Jochen Intelmann, Sien eerste Viez is Barbara Graafsche vun Bothmer vun de CDU, de tweete Viez is Heinz Promann (SPD).

[ännern] Wapen

Dat Wapen wiest op de verleden Tiet hen: en blauen Lööv op goldenen Grund, de över en Knüppeldamm över en blau Waterflach schreedt.

[ännern] Kultur

De Gemeen is ländlich prägt, dör de Verkehrsanbinnen aver goot mit de groten Städer anbunnen un wiest allgemeen in hoge Levensqualität op. De Gegend is fein för’t Wannern un Utfohrten maken un hett op dat „Löweneiland“ ok en Campingsteed to antobeden op – nipp un nau dor, woneem de Fintau un de Wümm tohopenlopen doot. Jüst dor kann’n ok mit Kanus Waterwannern maken. Nich wiet weg is ok de Lauenbrücher Wildpark, woneem man to’n Bispeel op’n Esel oder op’n Pony rieden kann.

In de Gemeen besteiht en riek Anbott för Sport. För Kinner gifft dat enige Speel- un Bolzplätz. In de Turnhall vun de Grundschool Kann een Gymnastik un Turnen maken. För Footballintresserte steiht en Platz mit Flootlichtanlaag praat un neven twee Sportverenen gifft dat ok noch en Bundskegelbahn un’n Angelvereen.

[ännern] Verkehr

Dör Lauenbrüch föhrt de K 212 de över Fintel wieter na Snevern löpt. Op de annern Siet münnt de Kreisstratt gor nich wiet weg in de B 75 vun Hamborg na Bremen. De neegste Autobahnansluss is in Sittens an de A 1.

Lauenbrüch liggt togliek ok an de Bahnlien twüschen Hamborg un Bremen. Opstunns hollt dor blots af un an mol en Regionaltog, man dat gifft en Plaan, nadem Lauenbrüch in’t Johr 2010 Systemhalt vun de Metropolenbahn warrn schall.

[ännern] Bildung

Lauenbrüch hett en Grundschool. Siet 2000 gifft dat hier butendem de nee’boot Fintauschool, wat en Hööft- un Realschool is.