Brookel

Brookel is de en Oort un Gemeen vun de Samtgemeen Bootel in’n neddersassischen Landkreis Rodenborg (Wümm). In de Gemeen leevt knapp 1.400 Minschen.

Inholtsverteken

1 Geografie
2 Geologie
3 Historie
4 Politik
- 4.1 Oortsdelen
- 4.2 Gemeenraat
5 Kultur
6 Verkehr

[ännern] Geografie

Brookel liggt in’n Süüden vun’n Landkreis un tellt to de Gemenen mit den gröttsten Wooldandeel in’n Landkreis. In’n Noorden vun de Gemeen liggt de Eenheitsgemeen Scheeßl, na Oosten hen slutt sik de Gemeen Hemslingen an. In’n Süüden grenzt de Gemeen ’n lütt Stück an de Eenheitsgemeen Visselhöövd un na Westen to leegt de Gemenen Bootel un Heemsbünnen.

[ännern] Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

[ännern] Historie

Dat Rebeet vun Brookel weer in verleden Tieten en bekannten Beedfohrtsoort. De Lännereen hebbt fröher mol to dat Klooster Raastäe höört.

[ännern] Politik

[ännern] Oortsdelen

De Gemeen besteiht tosamen ut veer Oortsdeelen:

Bellen
Brookel
Goot Trochel
Wensbrook

[ännern] Gemeenraat

De Gemeenraat vun Brookel sett sik ut ölven Lüüd tosamen. De Börgermeester is Rolf Lüdemann vun de CDU. Siet de letzten Kommunalwahl in’n September 2006 sünd de Sitten in’n Raat as folgt verdeelt:

Partei	2006
CDU	8
SPD	3

De Gemeen föhrt keen Wapen.

[ännern] Kultur

In de den Karnoort Brookel gifft dat noch eenige olle Buernhüüs, de as Denkmol schuult sünd. Sünners bekannt is de Gemeen aver för ehr hollännsch Galeriewindmöhl, de mit ehr Flögels al vun wiet her to sehn is. De Windmöhl is 1860 boot worrn un gellt as Wohrteken vun de Gemeen. Op Nafraag kann de Möhl ok mit’n Rundgang besöcht warrn.

De olle Hillig-Krüüz-Kark, de fröher en Beedfohrtsoort weer, is in’t Johr 1804 ut Feldstenen nee opboot worrn. Se hett en Furtwängler-Orgel mit 2700 Piepen. Eerste Henwiesen in Oorkunnen op en egenstännige Kark in Brookel dateert ut dat Johr 1190.

[ännern] Verkehr

Brookel liggt an de B 71 twüschen Rodenborg (Wümm) in’n Westen un Ne’enkarken in’n Oosten un wieter bit Soltau. Wieter drapt sik in Brookel de beiden Kreisstraten K 209, de över Bootel na Karkwals föhrt, un K 224, de na Noorden na Bartelsdörp verlöpt.

Fröher hett dat hier ok Iesenbahnverkehr geven mit en Bahnhoff an de Streck Walsrood–Bremervöör. Na Planen, de opstunns utklamüstert warrt, schall dör de Feldmark vun Bootel un Brookel mööglicherwies de ümstreden Y-Trass lopen. Na’n aktuell Streckenplan künn de Iesenbahnstreck sogor mitten dör Brookel föhren. Denn müssen ok en poor vun de schuulten Buernhüüs afreten warrn.