Kalf (Neddersassen)

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

[ännern] Politik

[ännern] Gemeenraat

De Gemeenraat vun Kalf sett sik mit den Börgermeester ut 9 Lüüd tohopen. De letzte Kommunalwahl weer 2006:

Partei	2006	2001
CDU	4	6
SPD	1	3
UWG Kalf	4	–

[ännern] Wapen

De Gemeen Kalf föhrt keen Wapen.

[ännern] Infrastruktur

[ännern] Dörpsbild

De Mitt vun Kalf warrt bestimmt dör schöne olle Ekenbööm. Sien ländlichen Charakter hett sik dat Dörp över de Johren wahrt. Ok bi’t Boen is dorop Weert leggt worrn, dat olle Bild vun’t Dörp nich toschannen to maken. So kann man dor torecht maakte Reetdäcker un Söss-Sülen-Hüüs sehn. Dortwüschen hebbt ok de Gewarfbedrieven un ne’ere Hüüs jemehr Steed funnen. Inrahmt warrt dat Bild vun Kalf dör Aaftwischen un Buerngoorns un nich opletzt ok vun de Sportanlagen, de veel Ruum hebbt.

[ännern] Verkehr

Kalf liggt in’n Noordoosten vun de Samtgemeen un grenzt dormit an de Landkreisen Horborg un Stood. Dat Dörp liegt ’n beten wieter af vun de groten Straten twüschen de Dörper Freetz un Tiss. Över Tiss beseiht Verbinnen an de L 142, de vun Sittens över Borgsittens na Wist in’n Landkreis Horborg föhrt, woneem se an de B 75 (Hamborg – Bremen) rangeiht un gliek blang an na Töst föhrt. In Sittens gifft dat en Anslusssteed an de A 1, de ok dör dat Gemeenrebeet löpt.

Kalf hett goot utbote Radweeg ründüm, de ok faken vun Inline-Löper nütt warrt.

[ännern] Kultur

Üm de Freetiet sinnvoll to to begahn warrt sik veel drapen in’t Dörp. För dissen Sinn gifft dat t. B. en Dörpgemeenschapshuus mit en enkelten Ruum för de Jöögd. För’t Dörpsleven speelt de freewillige Füerwehr un de Dörpsjöögd en grote Rull, man ok Sport warrt in Kalf veel dreven. Ungefäähr de Hälfte vun de Inwahners is Liddmaat in’n Vereen.