Samtgemeen

Vun Wikipedia

Een Samtgemeen (von gesamt, tosammen) is in Neddersassen en Kommunalverband, de för siene Liddmatengemenen Verwaltensgeschäfte föhrt. Anners as jümher Liddmatengemenen is de Samtgemeen keen Rebeetsverband (§ 71 Abs. 3 NGO). En Samtgemeen schall mindst 7.000 Inwahners hebben (§ 71 Abs. 1 NGO). To de Opgaven tellt dat Opstellen von Flachennüttplanen, Afwaterbesietigen, Kassengeschäften oder dat Karkhoffs- und Füerwehrwesen. Se öbernimmt ook de Dregerschaft von Grundschooln, den Bo und den Ünnerholt von Gemeenverbinnsstrooten, Inrichtung und Ünnerholt von Böökereen, Sportplätz und annere apentliche Inrichten. Se kann noch annere Opgaven von de Mitgliedsgemenen överdregen bekommen, to’n Bispeel dat Rebeet Tourismus. En Grootdeel von de neddersässischen Städer und Gemenen hebbt sik to Samtgemenen tosamenslaten.

[ännern] Organe

Samtgemenen hebbt dree Rechtssteden:

eenen Samtgemeenbörgermeester, op acht Joor direkt wählt
eenen Samtgemeenraat, op fiev Joor wählt und
eenen Samtgemeen-Utschuss.

De Samtgemeen-Utschuss besteiht ut den Samtgemeenbörgermeester, de de Vorsitter is (§ 56 Abs. 1 Satz 3 NGO), und -je no Grött von den Raat ut veer bit teihn Biordende, dorbi kann de Raat noch besluten sik üm twee to vergröttern (§ 56 Abs. 2 NGO). Disse Utschuus warrt je no Sitten von de Frakschonen und Gruppen no dat Hare-Niemeyer-Verfohren besett.

[ännern] Historie

Samtgemenen (domals mit Doppel-m schreeben) geev dat ook in de Gemeinde-Ordnung för den Preußschen Staat vun’n 11. März 1850, de blots dree Johr göllt hett.