Cristiano Ronaldo
Minn Wikipedija, l-enċiklopedija ħielsa.
 |
||
| Informazzjoni personali | ||
|---|---|---|
| Isem sħiħ | Cristiano Ronaldo Santos Aveiro | |
| Nazzjonalità |  Portugall |
|
| Data tat-twelid | 5 ta' Frar, 1985 | |
| Post tat-twelid | Funchal, Madeira | |
| Tul | 185 ċm | |
| Rwol | Midfielder, Attakkant | |
| Informazzjoni fuq il-klabb | ||
| Klabb kurrenti | Manchester United | |
| Numru | 7 | |
| Klabbs Ġovanili | ||
| 1993–1995 1995–1997 1997–2001 |
CF Andorinha CD Nacional Sporting CP |
|
| Klabbs Professjonali* | ||
| Staġun | Klabb | App (Gwl) |
| 2001–2003 2003– |
Sporting CP Manchester United |
25 (3) 156 (60) |
| Tim Nazzjonali** | ||
| 2003– | Portugall | 54 (20) |
|
* Apparenzi u gowls minn kull klabb |
||
Cristiano Ronaldo dos Santos Aveiro (twieled fil-5 ta' Frar 1985[1]), magħruf aħjar bħala Cristiano Ronaldo, huwa plejer tal-futbol Portugiż li jilgħab mat-tim Ingliż ta' Manchester United u mat-tim nazzjonali tal-Portugall. Ma' Manchester United, Ronaldo primarjament jilgħab fil-ġwejnħa leminija.[2] Hu kien użat ukoll fir-rwol ċentrali ta' l-attakk u bħala t-tieni attakkant.
Werrej |
[editja] Bijografija
Ronaldo twieled f'Madeira, il-Portugall, minn Maria Dolores dos Santos Aveiro u José Dinis Aveiro. Hu għandu tliet aħwa; ħuh ikbar minnu, Hugo u żewġ ħutu, Elma u Liliana Cátia. Din ta' l-aħħar taħdem bħala kantanta taħt l-isem ta' "Ronalda" fil-Portugall. Hi miżżewġa ma' José Pereira u għandhom tifel jismu Rodrigo. It-tieni isem ta' Cristiano huwa Ronaldo, li huwa isem rari fil-Portugall. Il-ġenituri tiegħu semmewh wara l-President ta' l-Istati Uniti, Ronald Reagan.[3]
[editja] Karriera
[editja] Bidu tal-karriera
Huwa beda jilgħab il-futbol ta' tliet snin, u meta beda l-iskola primarja meta kellu sitt snin, il-passjoni għall-isports kienet ovvja. It-tim favorit tiegħu meta kien żgħir kien SL Benfica, alavolja wara ngħaqad mar-rivali tat-tim, Sporting Lisbon. Huwa l-ewwel beda jilgħab ma' Andorinha, meta kellu tmien snin. Sa l-1995, meta huwa kellu għaxar snin, ir-reputazzjoni tiegħu fil-Portugall bdiet tikber. Iż-żewġ timijiet ta' Madeira, CS Marítimo u CD Nacional kienu nteressati biex iġibuh fit-tim. Marítimo, l-ikbar tim, tilef laqgħa mportanti u b'hekk Ronaldo sar plejer ta' Nacional. Wara huwa mar tliet ijiem ta' prova ma' Sporting Lisbon u ttrasferixxa mat-tim.[4]
[editja] Sporting Lisbon
Huwa għamel id-debutt ma' Sporting kontra Moreirense u skorja doppjetta. Huwa kien parti mit-tim tal-Portugall ta' taħt id-dsatax-il sena li kkompeta għall-Kampjonat tal-UEFA. Il-prestazzjoni tiegħu f'dan il-kampjonat, kabbret il-reputazzjoni ta' dan il-plejer. Il-kowċ ta' Liverpool FC, Gérard Houllier, kien interessa f'dan il-plejer imma wara Liverpool ma kisbux il-plejer minħabba li huma riedu plejer ta' ċerta esperjenza. Fis-sajf ta' l-2003, meta Sporting rebħu lil Manchester United 3-1 fl-inawgurazzjoni tal-grawnd Alvalade XXI f'Lisbona, Alex Ferguson tefa' għajnu fuq Ronaldo. Ronaldo wera li għandu l-abilità li jilgħab fiż-żewġ naħat tal-grawnd. Wara l-logħba, il-plejers ta' Manchester United tkellmu b'entużjażmu fuq dan il-talent iż-żgħir, u xtaquh li jkun magħhom fit-tim.
[editja] Manchester United
Wara t-tluq ta' David Beckham minn ma' Manchester United għal ma' Real Madrid, Ferguson ġab lill-plejer Portugiż għal somma ta' £12.24 miljun.[5] Huwa għamel id-debutt tiegħu kontra Blackburn Rovers bħala sostitu fis-60 minuta. United kienu 1-0 minn fuq, u bi ftit minuti fil-grawnd Ronaldo kiseb penalty li minnu Rudd van Nistelrooy ra lil Jussi Jääskeläinen isalvah. Dan ma affetwax ir-riżultat, hekk kif il-partita spiċċat 4-0 favur it-tim minn Old Trafford. Ronaldo kien mogħti n-numru 7, numru li kien mogħti lill-uħud mill-aqwa plejers ta' Manchester United bħal George Best, Bryan Robson, Eric Cantona u David Beckham. Ronaldo l-ewwel ried in-numru 28 li kien jilgħab bih ma' Sporting, minħabba li forsi ħafna jistennew ħafna minnu minħabba dan in-numru.[6] Huwa beda jilgħab ma' Manchester United fiż-żewġ naħat tal-grawnd, u kienu wkoll it-tieni attakkant tal-United.
Fl-2006, kien hemm diskursata bejnu u bejn Ruud van Nistelrooy dwar il-pożizzjonijiet tagħhom fit-tim. Minkejja dan, Ronaldo iffirma kuntratt li se jħalli lil Ronaldo sa l-2010 ma' Manchester United. Ronaldo qali li United qagħdu warajh u hu jixtieq li jħallashom lura. Ronaldo kellu okkażżjonalment problemi minħabba t-temperament tiegħu fil-grawnd. Hu kienu muri l-karta l-ħamra kontra Manchester City u rċieva sospensjoni ta' partita mill-UEFA minħabba ġest li wettaq fil-partita kontra Benfica f'partita miċ-Champions League f'Diċembru 2005. Waqt li kien qed jilgħab għall-Portugall hu kien muri l-karta s-safra kontra l-Lussemburgu minħabba li qabad li Jeff Strasser minn għonqu wara li l-istess Strasser kien daħal fuqu biex jikseb il-ballun. Felipe Scolari kien wissa lil Ronaldo biex iżomm lit-temperament minħabba t-Tazza tad-Dinja.
Fid-29 ta' Ottubru 2005, Ronaldo skorja l-1000 gowl ta' Manchester United fil-Premier League, fit-telfa ta' 4-1 kontra Middlesbrough. Huwa skorja doppjetta f'żewġ partiti konsekuttivi; żewġ gowls kontra Fulham f'daru u darbtejn oħra fi Fratton Park u skorja wkoll fil-partita kontra Wigan Athletic biex talla' l-kwota ta' 8 gowls fil-Premier League. Fis-26 ta' Frar 2006, Ronaldo lagħab fil-finali tal-Carling Cup kontra Wigan fil-Millenium Stadium f'Cardiff u skorja biex talla' l-kwota ta' 10 gowls fl-istaġun. Huwa ngħata l-unur tal-"FIFPro Special Young Player of the Year" fl-2005, unur ivvutat mill-benjamini. Huwa rċieva l-istess unur is-sena ta' wara. Huwa kien spiċċa l-20 post fil-klassifika tal-Plejer tas-Sena tal-FIFA fl-2005.
Fl-istaġun 2007-08, fil-partita kontra Portsmouth huwa ngħata l-karta ħamra wara li allegatament, hu kien ngħata daqqa ta' ras lil Richard Hughes, biex tagħtu sospensjoni ta' tliet partiti. Wara l-partita, Sir Alex Ferguson qal li Ronaldo kien mgħajjar minn Hughes u li l-Portugiż waqa' fin-nasba. Fl-ewwel partita wara s-sospensjoni fiċ-Champions League huwa skorja l-uniku gowl fil-partita kontra Sporting Lisbon, li kien it-tim li fih trabba. Wara li skorja huwa għamel sinjal ta' apoloġija lill-benjamini kollha ta' Sporting. Huwa skorja l-ewwel gowl fil-Premier League kontra Birmingham wara li ħataf l-okkażżjoni minn żball ta' Franck Queudrue biex kiseb il-gowl tar-rebħa għat-tim ta' Manchester United. Huwa kompla jiskorja l-gowls, meta kontra Wigan Athletic huwa skorja doppjetta fir-rebħa ta' 4-0 li kellhom United. B'hekk huwa tella' kwota ta' 4 gowls f'9 apparenzi. Huwa kkontribwixxa għal tliet tliet gowls fiż-żewġ partiti li ntlagħbu kontra Dynamo Kiev, gowl kontra Arsenal FC u doppjetta kontra Blackburn Rovers. Huwa skorja wkoll il-gowl tar-rebħa fil-ħin miżjud kontra Sporting Lisbon, biex ta lil Manchester United l-ewwel post fil-klassifika.[7] Fit-2 ta' Diċembru 2007, Ronaldo kien uffiċċjalment imħabbar bħala t-tieni l-aqwa Plejer Ewropew tas-Sena, wara l-Brażiljan Kaká.
Ronaldo skorja żewġ gowls kontra Fulham.[8] Huwa spiċċa fit-tielet post tal-Plejer tas-Sena tal-FIFA wara Kaká u Lionel Messi.[9] Ronaldo falla penalty fil-partita li United tilfu kontra West Ham United, fejn Ronaldo kien skorja l-uniku gowl ta' Manchester United. Ronaldo skorja l-ewwel tripletta għal Manhester United nhar it-12 ta' Jannar 2008, fir-rebħa ta' 6-0 kontra Newcastle United f'Old Trafford. Fil-partita ta' wara hu skorja ż-żewġ gowls li bihom taw rebħa lil Manchester United kontra Reading FC[10], fejn b'hekk tella' total ta' 23 gowl fl-istaġun. Il-UEFA qed tinvestiga inċident qabel il-logħba taċ-Champions League konta Olympique Lyon nhar l-20 ta' Frar 2008, fejn Ronaldo ġie milqut minn lejżer.[11]
Xi ġranet wara, nhar id-19 ta' Marzu 2008, Ronaldo rnexxielu jegħleb ir-rekord ta' George Best li kien ilu aktar minn 40 sena ma jingħeleb hekk kif sar l-aktar midfielder ta' Manchester United li skorja fi staġun. Best skorja 32 darba fl-istaġun 1967-68. Fil-logħba kontra Bolton Wanderers li ntlagħbet f'Old Trafford, Ronaldo skorja darbtejn fir-rebħa ta' 2-0 ta' United, fejn it-tieni wieħed ġie direttament minn freekick, biex b'hekk tella' 33, in-numru ta' gowls għall-istaġun.[12] Fid-9 ta' April 2008, kien rappurat li Real Madrid iddeċidew li joffru lil Manchester United rekord mondlai ta' £100 miljun għal Cristiano Ronaldo, somma li ma kinitx aċċettata mill-klabb.[13]. Fil-11 ta' Mejju 2008, ROnaldo skorja minn penalty kontra Wigan Athletic fit-33 minuta biex tella' n-numru ta' gowls ta' dak l-istaġun għal 41, fejn 31 minnhom fil-Premier League. Ronaldo skorja l-uniku gowl ta' United fil-ħin normali fil-finali tal-UEFA Champions League 2007-08, biex tella' n-numru ta' gowls għal 42 gowl, fejn irnexxielu jasal biss żewġ gowls 'il bogħod mir-rekord ta' 44 gowl ta' Ruud Van Nistelrooy lura fl-2002/03. Minkejja li tilef il-penalty waqt l-għoti tal-penalties, Manchester United rebħu 6-5 bil-penalties biex komplew id-double tal-Premier League u Champions League.
[editja] Internazzjonali
Ronaldo għamel id-debutt internazzjonali f'Awwissu 2003, kontra l-Każakistan. Huwa skorja l-unika gowl tal-Portugall fit-telfa ta' 2-1 kontra l-Greċja fil-partita tal-ftuħ tal-Kampjonati Ewropej tas-sena 2004, u anki l-ewwel gowl tas-semi-finali kontra l-Olanda, meta l-Portugall rebħet 2-1. Il-finali rat għat-tieni darba f'dik l-edizzjoni lill-Portugall jiltaqgħu mal-Greċja fejn għal darb'oħra l-Griegi ħarġu rebbieħa.
Ronaldo rrappreżenta lill-Portugall fl-Olimpjadi tas-Sajf ta' l-2004, u kien it-tieni l-aqwa skorer fiż-żona Ewropeja waqt il-fażi ta' kwalifikazzjoni għat-Tazza tad-Dinja 2006 b'7 gowls. Sas-17 ta' Ġunju 2005, huwa skorja 11-il gowl f'25 apparenza għall-pajjiż.[14]
Ronaldo skorja l-ewwel gowl personali fit-Tazza tad-Dinja kontra l-Iran minn penalty.[15] Fil-fażi ta' l-Aħħar Sittax, huwa ħalla lit-tim Portugiż 1-0 fil-vantaġġ kontra l-Olanda minħabba xi uġiegħ wara li Khalid Boulahrouz għamel daħla fuqu.[16]
Ronaldo kien captain tat-tim Portugiż f'logħba ta' ħbiberija kontra l-Brażil fis-6 ta' Frar 2007, f'għeluq it-22 sena. Ronaldo skorja tmien gowls fil-fażi ta' kwalifikazzjoni tal-Portugall għall-Kampjonati Ewropej 2008.[17]
[editja] Inċident fit-Tazza tad-Dinja
Fit-8 ta' Lulju 2006, waqt il-logħba bejn l-Ingilterra u l-Portugall fil-kwarti tal-finali tat-Tazza tad-Dinja 2006, Wayne Rooney ġie muri l-karta l-ħamra wara daħla fuq Ricardo Carvalho. Skond il-media Ingliża Ronaldo kien influwenza d-deċiżjoni tar-referì billi qgħad jilmenta. Ronaldo qal li Rooney kien ħabibu u li ma kienx qed jipprova jkeċċieh mil-logħba. Rooney min-naħa l-oħra rrisponda li hu kien iddiżappunt li Ronaldo involva ruħu fis-sitwazzjoni.[18]
Kien hemm xi spekulazzjonijiet li Ronaldo kien se jimxi għal xi klabb ieħor fejn hu xtaq li jingħaqad ma' Real Madrid.[19] L-assistent kowċ ta' Manchester United, Carlos Queiroz tkellem ma' Ronaldo fil-Portugall u dan irnexxielu jikkonvinċi lill-plejer biex jibqa' mat-tim ta' United, fejn anki Rooney xtaq li l-plejer Portugiż jibqa'. Ronaldo iffirma kuntratt ġdid ta' ħames snin oħra ma' Manchester United xi xhur wara.[20]
Huwa tilef l-unur tal-FIFA ta' l-Itjeb Plejer Żgħażugħ ta' l-edizzjoni, il-biċċa l-kbira minħabba xi e-mails[21] li ntbagħtu minn xi benjamini Ingliżi. Lukas Podolski rebaħ dan l-unur minfloku.[22]
[editja] Statistika tal-karriera
| Klabb | Staġun | Kampjonat Domestiku | Tazza Domestika | Kompetizzjoni Ewropeja | Total | ||||||||
|---|---|---|---|---|---|---|---|---|---|---|---|---|---|
| App | Gowls | Assts | App | Gowls | Assts | App | Gowls | Assts | App | Gowls | Assts | ||
| Sporting CP | 2002-03 | 25 | 3 | - | - | - | - | - | - | - | 25 | 3 | - |
| Total | 25 | 3 | - | - | - | - | - | - | - | 25 | 3 | - | |
| Manchester United | 2003-04 | 29 | 4 | 4 | 6 | 2 | 0 | 5 | 0 | - | 40 | 6 | 4 |
| 2004-05 | 33 | 5 | 4 | 9 | 4 | - | 8 | 0 | - | 50 | 9 | 4 | |
| 2005-06 | 33 | 9 | 6 | 6 | 2 | 1 | 8 | 1 | 0 | 47 | 12 | 7 | |
| 2006-07 | 34 | 17 | 14 | 8 | 3 | 1 | 11 | 3 | 5 | 53 | 23 | 20 | |
| 2007-08 | 34 | 31 | 7 | 3 | 3 | - | 11 | 8 | 1 | 48 | 42 | 8 | |
| Total | 161 | 66 | 34 | 32 | 14 | 2 | 43 | 12 | 6 | 238 | 92 | 43 | |
| Total fil-Karriera | 186 | 69 | 34 | 35 | 16 | 2 | 46 | 12 | 6 | 268 | 97 | 43 | |
(Korretti sal-21 ta' Mejju 2008)
[editja] Unuri
[editja] Klabb
Manchester United
- Premier League: 2006-07, 2007-08
- FA Cup: 2004
- Football League Cup: 2006
- Community Shield: 2007
- UEFA Champions League: 2008
[editja] Individwali
- PFA Plejer tas-Sena (skond il-plejers): 2007
- PFA L-Iżgħar Plejer tas-Sena: 2007
- PFA Plejer tas-Sena (skond il-benjamini): 2007
- PFA Tim tal-Premiership tas-Sena: 2005-2006, 2006-2007
- Unur mill-Football Writers' Association: 2007
- Barclays Plejer ta' l-Istaġun: 2006-2007
- Barclays Plejer tax-Xahar: Novembru 2006, Diċembru 2006
- PFA Plejer tax-Xahar (skond is-supporters): Ottubru 2006, Frar 2007
- FIFPro L-Iżgħar Plejer tas-Sena: 2005, 2006
- Personalita Sportiva Portugiża: 2006
- Futboler tas-Sena tal-Portugall: 2007
- Sir Matt Busby Plejer tas-Sena: 2006-2007
- Manchester United Plejer tas-Sena (skond il-plejers): 2006-2007
- FIFPro World XI: 2006-2007
- UEFA Tim tas-Sena: 2004, 2007
- Tim tal-kampjonat tal-Kampjonati Ewropej 2004
- FIFA World Cup All-Star Team: 2006
[editja] Referenzi
- ↑ Profil ta' Cristiano Ronaldo
- ↑ Bijografija ta' Ronaldo fuq manutd.com, manutd.com (30-11-2007)
- ↑ Ronaldo set to shine, BBC Sport (17-10-2007)
- ↑ Profil ta' Ronaldo fuq about.com, about.com
- ↑ Ronaldo, Sky Sports (18-06-2007)
- ↑ I never wanted the No7 shirt, The Sun (16-04-2007)
- ↑ Thompson, Gemma. Manchester Utd 2-1 Sporting Lisbon, BBC Sport (04-12-2007)
- ↑ Manchester Utd 2-0 Fulham, BBC Sport (04-12-2007)
- ↑ Ronaldo:Going the right way, fifa.com (18-12-2007)
- ↑ Manchester Utd 2-0 Reading, bbc.co.uk (20-01-2008)
- ↑ UEFA asked to probe Ronaldo laser incident, cnn.com (21-02-2008)
- ↑ Kay, Oliver. Cristiano Ronaldo revels in role of Captain Fantastic as United stretch lead, The Times (20-03-2008)
- ↑ Acedo, Francisco. "Reports claim record Ronaldo bid", Sky Sports (09-04-2008)
- ↑ Profil ta' Ronaldo, 4thegame.com
- ↑ Portugall vs Iran, fifa.com
- ↑ Portugall vs Olanda, fifa.com
- ↑ Top scorers for Euro 2008 European Qualifying campaign, soccernet.com
- ↑ Matt Barlow. Rooney Thanks Team-mates, Sporting Life (06-07-2007)
- ↑ Ronaldo mistenni li jerħi lil Manchester, BBC Sport (08-07-2006)
- ↑ Ronaldo signs new deal at Man Utd, BBC Sport
- ↑ Supporters 'hijack' Ronaldo vote, BBC (06-07-2006)
- ↑ Podolski beats Ronaldo to award, BBC Sport (10-04-2007)
[editja] Ħoloq Oħra
- Cristiano Ronaldo Fanpage
- Statistika tal-karriera fuq Soccerbase
- Profil fuq Carling.com
- Profil fuq Premierleague.com
- Profil fuq ManUtd.com
 |
Manchester United – skwadra kurrenti | |
| 1 van der Sar • 2 Neville • 3 Evra • 4 Hargreaves • 5 Ferdinand • 6 Brown • 7 Ronaldo • 8 Anderson • 9 Saha • 10 Rooney • 11 Giggs • 12 Foster • 13 Park • 15 Vidić • 16 Carrick • 17 Nani • 18 Scholes • 21 Dong • 22 O'Shea • 23 Evans • 24 Fletcher • 27 Silvestre • 29 Kuszczak • 32 Tévez • 33 Eagles • 38 Heaton • 47 Wellbeck • Kowċ: Sir Alex Ferguson | ||
