UEFA Champions League
Minn Wikipedija, l-enċiklopedija ħielsa.
| UEFA Champions League | |
|---|---|
 UEFA Champions League 2007-08 |
|
 |
|
| Dixxiplina: |  Futbol |
| Fundazzjoni: | {{{fundazzjoni}}} |
| Parteċipanti: | 32 tim |
| Tip: | Klabb |
| Kadenza: | Annwali |
| Format: | 8 gruppi ta' erba' timijiet, wara eliminazzjoni diretta bl-ewwel żewġ timijiet f'kull rawnd |
| Konfederazzjoni: | UEFA |
| Ċampjin: | _e_Rosso_e_Nero_(Strisce).png/20px-600px_Bianco_e_Rosso_(Croce)_e_Rosso_e_Nero_(Strisce).png){kind=small} AC Milan |
| Sit elettroniku: | uefa.com |
 Trofew jew rikonoxximent |
|
- "Tazza taċ-Champions" hi riindirizzata għal hawnhekk. Għal użi oħra, ara Tazza taċ-Champions (diżambigwazzjoni)
Il-UEFA Champions League, li qabel kienet magħrufa bħala t-Tazza taċ-Champions. Hi kompetizzjoni tal-futbol ta' kull sena organizzata mill-UEFA u li ilha ssir mill-1955 għall-aktar timijiet b'suċċessi fl-Ewropa. It-trofew hu kkunsidrat bħala l-aktar trofew prestiġjuż għal klabb f'dan l-isport. Il-UEFA Champions League hi differenti u m'għandhiex x'taqsam mal-kompetizzjoni l-oħra tat-Tazza UEFA u l-kompetizzjoni l-oħra tat-Tazza tat-Tazzi (li m'għadhiex issir).
Il-kampjonat jikkonsisti f'fażijiet differenti u jibda bi tliet rawnds ta' kwalifika. Is-sittax-il tim li joħorġu rebbieħa mill-preliminari jieħdu sehem fil-fażi finali, li tibda lejn l-aħħar ta' Frar u tibqa' sejra sa l-aħħar ġurnata, li tkun il-finali, f'Mejju.
L-aktar finali reċenti ġiet mirbuħa minn AC Milan ta' l-Italja li rebħu lit-tim Ingliż ta' Liverpool FC 2-1 ġewwa l-Olympic Stadium ta' Ateni fil-Greċja fit-23 ta' Mejju 2007. Moska se tkun l-belt Russa li se tospita l-finali ta' l-istaġun 2007-08.
Werrej |
[editja] Kwalifikazzjoni
Il-UEFA Champions League hi miftuħa għal kull klabb Ewropew li jikklassifika fl-ogħla postijiet tal-kampjonat ta' pajjiżu. Il-Liechtenstein hu l-uniku nazzjon li m'għandux kampjonat nazzjonali mill-pajjiżi kollha li jagħmlu parti mill-UEFA. It-timijiet li jikklassifikaw mill-ewwel sal-ħames post jieħdu sehem f'din il-kompetizzjoni. Minn Jannar 2007, l-iżgħar kampjonati nazzjonali fl-Ewropa (Andorra u San Marino) jistgħu jiġu rrappreżentati fil-kompetizzjoni.
In-numru ta' postijiet fil-kompetizzjoni jiddependi minn f'liema pożizzjoni huma l-assoċazzjonijiet fil-klassifika, membri tal-UEFA:
- assoċazzjonijiet ikklasifikati mill-ewwel sat-tielet post: erba' postijiet
- assoċazzjonijiet ikklasifikati mir-raba' sas-sitt post: tliet postijiet
- assoċazzjonijiet ikklasifikati mis-seba' sal-ħmistax-il post: żewġ postijiet
- assoċazzjonijiet ikklasifikati fis-sittax jew inqas: post wieħed
Il-pożizzjoni ta' l-assoċazzjoni jiddependi wkoll minn f'liema fażi l-klabb jidħol fil-kompetizzjoni. Per eżempju, it-tlieta li qegħdin fl-ewwel tliet postijiet għandhom żewġ postijiet fil-fażi tal-gruppi u t-tnejn l-oħra fit-tielet rawnd ta' kwalifikazzjoni.
Post żejjed fil-fażi tal-gruppi jitħalla għat-tim rebbieħ li jkun rebaħ l-edizzjoni ta' qabel fil-każ li ma jkunx għadda mill-kampjonat nazzjonali. Imma assoċazzjoni hi limitata li tibgħat erba' timijiet biss għal kompetizzjoni. Fil-każ li klabb li jkun rebaħ l-edizzjoni ta' qabel u li ġej minn assoċjazzjoni li minnha jgħaddu erba' klabbs, jispiċċa 'l barra mill-ewwel erba' postijiet, dan jingħata post fir-raba' post minflok dak li jkun spiċċa f'dik il-pożizzjoni. Ir-raba' klassifikat jgħaddi għat-Tazza UEFA.
Kull klabb li jkun irid jipparteċipa fiċ-Champions League irid ikollu l-liċenzja biex jieħu sehem. Fl-istaġun 2005/2006 kien hemm kontroversja meta Liverpool FC (li kienu rebbieħa l-edizzjoni ta' qabel) spiċċaw barra mill-ewwel erba' postijiet tal-kampjonat. L-FA Ingliża tat id-dritt lil Everton FC, li kienu spiċċaw fir-raba' post, li jkomplu fil-kompetizzjoni. Imma l-UEFA ddeċidiet li ż-żewġ rivali ta' Merseyside jidħlu fil-kompetizzjoni. Liverpool bdew mill-ewwel rawnd ta' kwalifikazzjoni waqt li Everton bdew mit-tielet. Liverpool irnexxielhom jgħaddu għall-fażi tal-gruppi meta għelbu lil Total Network Solutions (Wales), FBK Kaunas (Litwanja) u lil PFC CSKA Sofia (Bulgarija). Everton min-naħa l-oħra spiċċaw barra b'telfa ta' 4-2 kontra Villarreal CF.
Barcelona, Manchester United u Porto huma l-aktar timijiet li dehru fil-fażijiet tal-gruppi: tnax-il darba b'kollox. Imma, it-tlieta li huma rebħu Champions League waħda mill-introduzzjoni tal-fażi tal-gruppi.
[editja] Riżultati
| Sena | Rebbieħ | Skor | Finalista Tellief | Grawnd |
|---|---|---|---|---|
| 2009/10 Dettalji |
Għadha trid tintlagħab. | Santiago Bernabéu, Madrid  |
||
| 2008/09 Dettalji |
Għadha trid tintlagħab. | Stadio Olimpico, Ruma  |
||
| 2007/08 Dettalji |
 Manchester United |
1 - 1 6 - 5 (pen) |
Chelsea |
Luzhniki Stadium, Moska  |
| 2006/07 Dettalji |
AC Milan |
2 - 1 | Liverpool FC |
Olympic Stadium, Ateni  |
| 2005/06 Dettalji |
FC Barcelona |
2 - 1 | Arsenal FC |
Stade de France, Pariġi  |
| 2004/05 Dettalji |
Liverpool FC |
3 - 3 3 - 2 (pen) |
AC Milan |
Atatürk Olympic Stadium, Istanbul  |
| 2003/04 Dettalji |
 FC Porto |
3 - 0 | AS Monaco FC |
Arena AufSchalke, Gelsenkirchen  |
| 2002/03 Dettalji |
AC Milan |
0 - 0 3 - 2 (pen) |
Juventus FC |
Old Trafford, Manchester |
| 2001/02 Dettalji |
Real Madrid CF |
2 - 1 | Bayer 04 Leverkusen |
Hampden Park, Glasgow  |
| 2000/01 Dettalji |
FC Bayern München |
1 - 1 5 - 4 (pen) |
Valencia CF |
San Siro, Milan |
| 1999/00 Dettalji |
Real Madrid CF |
3 - 0 | Valencia CF |
Stade de France, Pariġi |
| 1998/99 Dettalji |
Manchester United FC |
2 - 1 | FC Bayern München |
Camp Nou, Barċellona |
| 1997/98 Dettalji |
Real Madrid CF |
1 - 0 | Juventus FC |
Amsterdam ArenA, Amsterdam  |
 |
Din is-sezzjoni qasira għandha bżonn espansjoni. |
[editja] Rekords u Statistika
[editja] Rebbieħa
Real Madrid huwa t-tim bl-iktar suċċessi fiċ-Champions League fejn irnexxielu jirbaħ disa' minn tnax-il finali. Real Madrid beda l-kompetizzjoni fuq nota pożittiva hekk kif spiċċa rebbieħ ta' l-ewwel ħames edizzjonijiet tal-kompetizzjoni. L-aħħar parteċipazzjoni fil-finali s'issa hi fl-2002 fejn irnexxielhom jirbħu lill-Bayer 04 Leverkusen grazzi għal gowl ta' Zinedine Zidane, fejn il-partita spiċċat 2-1 favur il-Madrileni.
Fit-tieni post insibu liċ-champions preżenti AC Milan li grazzi għar-rebħa kontra Liverpool FC fl-2007, irnexxielhom jiksbu is-seba' titlu. Spiċċaw finalisti telliefa erba' darbiet. Liverpool isegwu fit-tielet post b'seba' finali li minnhom rebħu ħamsa. AFC Ajax u FC Bayern Munich kisbu erba' trofej kull wieħed bil-Ġermaniżi jitilfu tliet finali waqt li l-Olandiżi tnejn.
Bil-pajjiżi, l-Italja għal 25 darba kellha tim fil-finali u li minnhom rebħu ħdax u tilfu erbatax. L-Ispanjoli spiċċaw 20 darba fil-finali, bil-ħdax-il suċċess. Timijiet Ingliżi kellhom għaxar rebħa fil-finali minn erbatax-il preżenza.
[editja] Top Scorers
Raúl ta' Real Madrid CF jibqa' t-top scorer ta' kull żmien b'56 gowl minn 108 logħba. Beda l-esperjenza tiegħu fl-Ewropa fl-1995 u spiċċa anki biex jiskorja żewġ gowls fi tliet finali. Ruud van Nistelrooy jikklassifika fit-tieni post b'total ta' 49 gowl f'58 preżenza fejn lagħab ma' PSV Eindhoven, Manchester United u preżentament ma' Real Madrid. Fit-tielet post insibu lil Andriy Shevchenko ta' l-Ukranja li skorja 46 gowl minn 89 partita fejn lagħab ma' Dynamo Kyiv, AC Milan u issa ma' Chelsea.
Plejers oħra li jibqħu fost l-ewwel għaxra insibu lill-plejer Thierry Henry (42), Filippo Inzaghi (41), Alessandro Del Piero (36), Fernando Morientes (34), David Trezeguet (29), Patrick Kluivert (29) u Roy Makaay (27).
[editja] Apparenzi u Plejers Rebbieħa
Ħames plejers biss irnexxielhom jagħmlu aktar minn mitt preżenza fiċ-Champions League u dawn huma: Raúl, Roberto Carlos (107), Paolo Maldini (104), David Beckham (103) u Oliver Kahn (103).
Francisco Gento ta' Real Madrid CF hu l-aktar plejer li rebaħ titli ta' Champions League b'total ta' tmien finali li minnhom rebaħ sitta. Wara jsegwi Alfredo di Stefano ta' l-istess Real Madrid CF, li flimkien ma' José María Zárraga u Héctor Rial ta' Real Madrid, u Paolo Maldini ta AC Milan rebħu ħames finali.
