Edwin van der Sar
Minn Wikipedija, l-enċiklopedija ħielsa.
 |
||
| Informazzjoni personali | ||
|---|---|---|
| Isem sħiħ | Edwin van der Sar | |
| Nazzjonalità |  Olanda |
|
| Data tat-twelid | 29 ta' Ottubru, 1970 | |
| Post tat-twelid | Voorhout | |
| Tul | 197 ċm | |
| Rwol | Gowler | |
| Informazzjoni fuq il-klabb | ||
| Klabb kurrenti | Manchester United | |
| Numru | 1 | |
| Klabbs Ġovanili | ||
| 1990–1992 | Ajax | |
| Klabbs Professjonali* | ||
| Staġun | Klabb | App (Gwl) |
| 1990–1999 1999–2001 2001–2005 2005– |
Ajax Juventus Fulham Manchester United |
226 (1) 66 (0) 126 (0) 94 (0) |
| Tim Nazzjonali** | ||
| 1994– | Olanda | 122 (0) |
|
* Apparenzi u gowls minn kull klabb |
||
Edwin van der Sar (twieled fid-29 ta' Ottubru 1970), huwa gowler tal-futbol Olandiż li jilgħab mat-tim Ingliż ta' Manchester United u hu l-captain tat-Tim Nazzjonali ta' l-Olanda.
Werrej |
[editja] Karriera
[editja] Bidu tal-Karriera
Van der Sar beda l-karriera f'Foreholte (it-tim tal-futbol ta' Voorhout), u wara mexa ma' VV Noordwijk, fejn kien taħt l-għajnejn ta' Ajax. Wara li mexa mat-tim ta' Ajax, huwa kellu suċċess ma' dan it-tim hekk kif hu rebaħ il-UEFA Champions League fl-1995, u kif ukoll rebaħ unuri oħra (inkluża wkoll it-Tazza UEFA fl-1992). Huwa għamel total ta' 226 apparenza għal Ajax. Hu kien imsemmi l-Aqwa Gowler ta' l-Ewropa fl-1993 u fl-1995.
Huwa beda jilgħab mat-tim ta' Juventus, fejn tilef postu minħabba Gianluigi Buffon, fejn hu qal li dak kien tradiment, fejn hu temm l-esperjenza tiegħu mat-tim b'nota ħażina. Huwa għamel total ta' 66 apparenza għat-tim Taljan. Sa issa, hu hu l-ewwel u l-unika plejer mhux Taljan li kien gowler mat-tim.
[editja] Esperjenza fil-Premiership
Il-mixja tiegħu fil-Premier League Ingliż, ħaditu l-ewwel ma' Fulham fl-2001, għal madwar £7.7 miljun. Huwa iffirma kuntratt ta' erba' snin, fejn għamel total ta' 127 preżenza.
Huwa wara mexa mat-tim ta' Manchester United fl-1 ta' Lulju 2005 għal madwar £2 miljun, alavolja s-somma eżatta ma kinitx imħabbra. Van der Sar kien mixtri minn Manchester United biex isolvi l-problemi tat-tim fin-naħa tal-gowlers. Ferguson iqisu li hu hu l-aqwa gowler ta' Manchester United minn meta kien hemm Peter Schmeichel. Huwa iffirma kuntratt ieħor f'Diċembru 2006 għal sentejn oħra, u kuntratt ieħor għal sena oħra sa l-istaġun 2007-08.
Sir Alex Ferguson stqarr pubblikament li hu ma jsib l-ebda raġuni li van der Sar m'għandhux ikompli jilgħab (minħabba li riesaq għal 38 sena), fejn qal li Edwin għadu tajjeb fil-pożizzjoni teigħu. Van der Sar huwa mlaqqam bħala l-Jolly Green Giant minħabba t-tul tiegħu (197ċm) u anki minħabba l-flokk aħdar ta' Manchester United.
Fl-4 ta' Frar 2007, waqt il-partita kontra Tottenham Hotspur, van der Sar kiser imnieħru wara ħabta ma' l-attakkant Irlandiż Robbie Keane. Fil-5 ta' Mejju 2007 fid-derby ta' Manchester, kontra Manchester City huwa salva penalty minn Darius Vassell. Dan ġab lil Manchester United aktar viċin tal-kampjonat hekk kif rebħu dan il-konfront 1-0 b'gowl ta' Cristiano Ronaldo fl-ewwel taqsima. Wara, United ikkonfermaw id-disa' titlu tal-kampjonat.
Fil-5 ta' Awwissu 2007, huwa għen lil Manchester United jirbħu s-sittax-il Community Shield fl-istorja tal-klabb, fejn waqt l-għoti tal-penalties huwa salva tlieta wara xulxin, waqt li l-plejers ta' Manchester United skurjawhom kollha. Il-partita spiċċat 1-1 wara l-ħin regulari, b'Manchester United jirbħu 3-0 bil-penalties kontra Chelsea FC
[editja] Internazzjonali
Van der Sar għamel id-debutt internazzjonali fis-7 ta' Ġunju 1995 kontra l-Belarus. Huwa kien fil-lasta għal tliet eliminazzjonijiet riċenti f'kompetizzjonijiet importanti bil-penalties: Kampjonati Ewropej 1996, Tazza tad-Dinja 1998 u Kampjonati Ewropej 2000.
Matul l-għoti tal-penalties fil-kwarti tal-finali tal-Kampjonati Ewropej 2004 kontra l-Isvezja huwa salva penalty minn Olof Mellberg.
Qabel il-logħba fit-Tazza tad-Dinja 2006 kontra l-Kosta ta' l-Avorju, van der Sar ma kienx laqqat gowl f'għaxar partiti konsekuttivi li ma kienux logħob ta' ħbiberiji, u żamm 1013-il minuta mingħajr ma' jlaqqat gowl, fejn dan huwa rekord Ewropew.
Van der Sar irrapreżnta lit-tim Olandiż 118-il darba, fejn huwa hu l-iktar plejer li għamel dehriet għal pajjiżu. Bħala captain ta' l-Olanda, huwa kiser ir-rekord ta' Frank de Boer fil-partita tat-tieni rawnd tat-Tazza tad-Dinja 2006 kontra l-Portugall.
Minkejja l-eliminazzjoni fit-tieni rawnd, huwa kkonferma li kien se jkompli jilgħab mat-tim waqt il-fażi ta' kwalifikazzjoni tal-Kampjonati Ewropej 2008 kif ukoll fil-fażi finali jekk l-Olanda tikkwalifika. Huwa tilef il-partita li l-Olanda lagħbet kontra r-Rumanija fil-25 ta' Marzu 2007 minħabba xi uġiegħ.
[editja] Ħajja Personali
Van der Sar huwa miżżewweġ ma' Anne-Marie van Kesteren. Iċ-ċerimonja taż-żwieġ ħadet post f'Beurs van Berlage, f'Amsertdam, fl-20 ta' Mejju 2006. Ruud van Nistelrooy kien fost dawk mistienda għaċ-ċerimonja.
Il-koppja għandhom żewġt itfal: tifel, Joe, u tifla, Lynn. Joe kien ma' missieru jiċċelebra fuq il-grawnd wara li salva penalty meta l-Olanda rebħu 5-4 fuq l-Isvezja bil-penalties fil-kwarti tal-finali tal-Kampjonati Ewropej 2004.
[editja] Unuri
[editja] Klabb
Ajax
- Eredivisie: 1994, 1995, 1996, 1998
- KNVB Cup: 1993, 1998, 1999
- UEFA Champions League: 1995
- Tazza UEFA: 1992
- Super Cup Ewropeja: 1995
- Tazza Interkontinentali: 1995
Fulham
- Tazza Intertoto: 2002
Manchester United
- Premier League: 2007, 2008
- League Cup: 2006
- Community Shield: 2007
[editja] Individwali
- L-Aqwa Gowler Ewropew: 1993, 1995
[editja] Ħoloq Oħra
- Sit Uffiċċjali fuq icons.com
- Statistika tal-karriera fuq Soccerbase
- Profil fuq ManUtd.com
 |
Manchester United – skwadra kurrenti | |
| 1 van der Sar • 2 Neville • 3 Evra • 4 Hargreaves • 5 Ferdinand • 6 Brown • 7 Ronaldo • 8 Anderson • 9 Saha • 10 Rooney • 11 Giggs • 12 Foster • 13 Park • 15 Vidić • 16 Carrick • 17 Nani • 18 Scholes • 21 Dong • 22 O'Shea • 23 Evans • 24 Fletcher • 27 Silvestre • 29 Kuszczak • 32 Tévez • 33 Eagles • 38 Heaton • 47 Wellbeck • Kowċ: Sir Alex Ferguson | ||
