Computatrum

E Vicipaedia

Porta·Vicipaediae · Technologia
Technologia · Ars ingeniaria · Agricultura · Computatra · Electronica · Informatica · Interrete · Vehicula

Computatrum portabile IBM.

Computatrum (-i, n.) sive instrumentum computatorium (-i, n.) sive etiam secundum linguae Francogallicae exemplum ordinatrum est machina computandi vel computationes ordinandi.

Index

1 Partes Computatrorum
2 Programmata Computatralia
3 Aetas computatrorum
4 Domus effectrices computatrorum
5 Domus effectrices programmatum computatralium
6 Vide etiam
7 Nexus externi
8 Notae

[recensere] Partes Computatrorum

Despectus in computatrum:
1: Quadrum visificum
2: Tabula materna
3: Processorium centrale (CPU)
4: Portus ATA
5: Memoria volatilis (RAM)
6: Tabula expansionis
7: Fons electrica
8: Discus compactus (DC)
9: Discus flexibilis
10: Plectrologium vel claviatura
11: Mus

Quattuor sunt armaturae partes computatri: organum gubernans, arithmeticum, memoriale, et graphicum. Processorium centrale (vel CPU) est cor computatri, quod omnes operationes gubernat. Coprocessorium arithmeticum quod et saepe pars processorii centralis est, paene omnes computationes arithmeticas efficit. Data in memoriae generibus RAM et ROM nominatis servantur. Ad data conservanda disci et rigidi et flexibiles adhibebantur, sed abhinc paulum rudiculas memoriam cohibentes (Memoria USB) loco discorum flexibilium malunt. Organum graphicum quasi in quadrum visificum scribit et plurimas computationes de datis graphicis facit.

[recensere] Programmata Computatralia

Programmata computatralia sunt documenta iussa computatralia cohibentia, quae processorio centrali exhibita computatro agenda mandant. Programmatum fundamentalium coniunctum, quod systema administrativum appellatur, functiones et interactiones computatri administrat. Alia programmata fundamentalia sunt programmata compilandi, editionis, tabula computativa, nuntios electronicos scribendi, per interrete navigandi, ludorum computatralium.

[recensere] Aetas computatrorum

Pueri operantur computatris.

Prima computatra electronica annos 1930–1940 a Ioanne Atanasov, Americano Bulgarici originis, instruuntur, sed re vera aetas computatrorum coepit anno 1977 cum societates Apple, IBM et Commodore prima computatra personalia introduxissent. Deinde, cum investigatores institutionis Europeanae CERN Telam totius terrae anno 1991 nuntiavissent, systema interretiale mundiale, quod paene omnia computatra mundi committit, ortum est. Hodie homines e toto mundo computatris utuntur ad laborandum, scribendum, communicandum computandumque. Die 10 Iunii 2007 1 133 000 000 hominum interreti usi sunt.^[1]