Ordenadôr
De Vichipedie, la enciclopedie libare dute in marilenghe.
Un ordenadôr (clamât ancje computer) al è un dispositîf fisic basât su la idee de Machine di Turing. Un ordenadôr al è doprât par calcui e operazions che si puedin dâ in tiermins numerics o logjics; al è formât di components che son bogns di fâ robis facilis, ma che metûts dongje a puedin fâ operazions plui complicadis.
Indis |
[cambie] Gjenars
 |
Par aprofondî l'argoment viôt la vôs Storie dal ordenadôr. |
Al di di vuê si cjatin tancj gjenars di ordenadôrs, di chei che a controlin i assensôrs a chei (servidôrs) che nus lassin navigâ su la rêt di Internet.
[cambie] Mainframe
I mainframe a son machinis cun une vore di potence di calcul. Al dì di vuê a son pôc plui grandis dai ordenadôrs di cjase, ma son tancj plui costosis e, date la lôr velocitât, a son utilizadis dome in scuelis o grandis aziendis.
[cambie] Minicomputer
La peraule e je stade cugnade intai agns '60, par identificâ une famee di machinis un pôc plui piçulis des mainframes e indreçadis a aziendis di mediis dimensions. Al dì di vuê si preferìs clamâju stazions di lavôr o workstation.
[cambie] Microcomputer
A son i prins computers par ûs personâl, di cost avonde ridot e vendudis intai agns '70. A jerin destinadis a utents cuntune buine cognossince di informatiche, parvie de dificile utilizazion.
[cambie] Home computer
A son i sucessôrs dai microcomputer, prime de rivade dai personal computer. L'home computer plui vendût al è stât il Commodore 64.
[cambie] Personal computer
Al è un microcomputer di nivel economic destinât al ûs di une sole persone. Al à une potence di calcul superiôr al home computer, che e si confâs par un ûs didatic o di lavôr.
[cambie] Components
I elements fondamentâi a son la CPU (o microprocessôr) e la memorie, che e pues jessi temporanie (RAM) o permanente (ROM, PROM, EPROM, EEPROM). Inte memorie permanente a son memorizadis lis informazions par eseguî il prin program cuant che si invie l'ordenadôr.
Par relazionâ cul difûr, l'ordenadôr al à bisugne di interfacis par colegâ periferichis: lis interfacis plui comuns a son chês par zontâ tastieris, visôrs o stampantis.
Datis sui components intun ordenadôr:
[cambie] Alimentadôr
Al è l'imprest che ricêf la curint de linie eletriche (o de batarie) e la distribuìs a ducj i components de machine.
[cambie] Schede mari
La schede mari e je il component principâl dal ordenadôr: si trate di un circuit stampât dulà che e passin dutis lis informazions di elaborâ. La schede e je proviste di logaments par zontâ i components principâi (CPU, RAM e EEPROM) e di sfesis di espansion; e je ancje proviodude di interfacis par leâ lis periferichis.
[cambie] CPU
La CPU e je il cûr dal sisteme, dulà che a son eseguidis dutis lis operazions di calcul: e je clamade ancje il processôr o microprocessôr.
Il processôr al è formât da une unitât centrâl clamade core, formade da milions di transistors.
[cambie] Memorie
Lis memoriis des ordenadôrs a contegnin a puedin jessi di putrops tips:
- RAM: al è l'acronim di Random Access Memory, ossie Memorie a acès casuâl, une memorie une vore rapide, dulà che son contignudis i dâts des programs in esecuzion. La RAM e piert lis informazions che e conten cuant che no je plui alimentade.
- ROM: al è l'acronim di Read Only Memory, Memorie di sole leture; e je une memorie non volatil, usade tipichementri par conservâ lis istruzions di inviament dal computer.
- Memorie di masse: e je une memorie non volatil, dulà che si cjatin ducj i dâts e i programs che e varan di jessi cjariâts inte memorie centrâl. I sopuartis di memorizazion puedin jessi nastris (simpri mancul usâts), discs fis o discs otics.
[cambie] Bus di sisteme
Par permeti al ordenadôr di lei e di scrivi informazions, fâ i calcui e par comunicâ cun dutis lis periferichis dal sisteme, i dâts e i controi a àn di jessi trasferîts par vie des bus di sisteme. I bus a son di trê cualitâts:
- Bus direzions
- Bus dâts
- Bus di control
Lis periferichis a puedin jessi leadis par vie des sfesis di espansion o par vie des interfacis.
