Albrecht Dürer
El Vikipedio
Albrecht Dürer [ALbreĥt DIre], esperantigite Durero (naskiĝis la 21-an de majo 1471 en Nurenbergo; mortis la 6-an de aprilo 1528 en Nurenbergo), estis germana renesanca pentristo kaj grafikisto. Li postlasis nemultajn pentraĵojn (Memportreto, La Roza Festeno, La kvar apostoloj), sed multajn karbodesegnojn kaj kuprogravuraĵojn, ankaŭ teoriajn verkojn pri perspektivo kaj proporcioj.
[redakti] En Esperanto aperis
- Friedrich Nüchter: Albrecht Dürer. Lia vivo kaj elekto el liaj verkoj. Esperantigita de la Germana Esperanto-Asocio. Ansbach: Seybold, 1911. 95 paĝoj kaj 54 tabuloj kaj bildoj.
Formato 33x26. Luksa, serioza eldonaĵo pri la fama mezepoka pentristo. Modela teksto. - Hans Koch: Albrecht Dürer. Vivo kaj verkado de la fama pentristo. Deisenhofen: Sudgermana Esperanto-Eldonejo, 1924. 48 paĝoj.
Dudek ok bildoj pri liaj verkoj kun biografio kaj klarigo. - Slilágyi Ferenc: Dürer, la giganto de la grafiko. En: Norda Prismo, 58/2, paĝoj 75–78.
[redakti] Vidu ankaŭ
 Memportreto de 28-jaraĝa Albrecht Dürer |
 Juna leporo |
 Kavaliro, morto kaj diablo |
| Ĉi tiu artikolo baziĝas (parte aŭ tute) sur artikolo el la Enciklopedio de Esperanto (EdE en ekstera arkivo). |
