Sizhun
Diwar Wikipedia, an holloueziadur digor
Ar sizhun zo un heuliad seizh deiz, adalek al Lun betek ar Sul, pe adalek ar Sul betek ar Sadorn. 52 sizhun zo er bloaz.
An doare-mañ da rannañ an amzer a zeu deomp eus an Henamzer goshañ. Dont a ra an anvioù brezhonek eus anvioù ar planedennoù, a oa anvioù an doueed roman evit pemp anezho.
Taolenn |
[kemmañ] Gerdarzh
Dont a ra ar ger eus ar "seizh hun" a vez graet goude pep deiz.
Heñvelson eo sizhun
- gant anv ar gêr Sizun
- gant hini ar C'hab-Sizun, hag Enez Sun n'eo nemet un adstumm da anv ar c'hab.
[kemmañ] Anvioù deizioù ar sizhun
- an deiz kentañ eo, pe e oa, ar Sul, deiz an Heol, Sol e latin, ar "blanedenn" vrasañ, d'ar steredourien a wechall, a grede e oa ur blanedenn;
- an eil e oa al Lun, deiz al Loar, luna e latin, pa gredent e oa an eil planedenn vrasañ
- an trede e oa Meurzh, deiz ar blanedenn Meurzh, anvet diwar an doue Meurzh, doue ar brezel gant ar Romaned,
- ar pevare e oa ar Merc'her, deiz ar blanedenn Merc'her, anvet diwar an doue Merc'her,
- ar pempet e oa ar Yaou, deiz ar blanedenn Yaou, an doue Yaou)
- ar c'hwec'hvet e oa ar Gwener, deiz ar blanedenn Gwener, diwar anv an doueez Gwener)
- ar seizhvet e oa ar Sadorn, deiz ar blanedenn Sadorn, diwar an doue Sadorn)
Kavet e vez anvioù deizioù peuzheñvel o stumm, hag heñvel o ster, e meur a yezh en Europa.
Deiz an Aotrou eo ar Sul evit an iliz kristen hervez danevell krouidigezh ar bed er C'heneliezh, kentañ levr ar Bibl. Hervez an danevell-mañ eo bet krouet ar bed gant Doue en ur ober ur sizhunvezh : c'hwec'h devezh evit an ober hag ar seizhvet evit an diskuizh.
[kemmañ] Urzh deizioù ar sizhun
Hervez ISO 8601 e krog ar sizhun d'al Lun.
Met evit broioù 'zo evel Breizh-Veur hag Amerika latin eo ar boaz lakaat ar sizhun da gregiñ d'ar Sul.
Kement-mañ a vije bet boaz kozh ar Vretoned , hervez ar c'hrennlavar : Ar Yaou, an deiz diwezhañ nemet daou.
| Deizioù ar sizhun |
| Lun – Meurzh – Merc'her – Yaou – Gwener – Sadorn – Sul |
[kemmañ] Lennadurezh
- Paul COUDERC : Le Calendrier. Que sais je ? , n° 203. PUF. 1946 - 1993.
