Wean

Aus Wikipedia

Der Àrtikl is im Dialekt „Donauboarisch“ gschriem worn.

Laundesflåggn	Laundeswåbbm
Wean

Båsisdátn
ISO 3166-2:	AT-9
Kråftfåhrzeigszeichn:	W
Gmeindekennzoi:	90101 - 92301
Postleitzoin:	1010 - 1239, 1400, 1450
Telefonvuawoi:	01
Hohmpage:	www.wien.gv.at
Kårtn: Wean in Östareich

Politik
Biagamásta	Michael Häupl (SPÖ)
Regiarende Partei	SPÖ
Sitzvatöilung im Gmeinderåt	SPÖ 55 ÖVP 18 Griane 14 FPÖ 13
letzte Wåih:	23. Oktoba 2005
nächste Wåih:	wåhrscheinlich 2010
Bevökarung
Eiwohna: Bålungsraum:	1.651.437 (2005) 1.900.000
Raung:	1. von 9
Bevöikarungsdichtn:	3.931,3 Eiwohna/km²
Geografie
Flächn:	414,65 km²
- davo Laund:	395,29 km² (95,33 %)
- davo Wåssa:	19,36 km² (4,67 %)
- Raung:	9. vo 9
Geografische Lage:	Koordinaten: 48° 07' - 48° 19' N 16° 11' - 16° 34' O 48° 07' - 48° 19' N 16° 11' - 16° 34' O
Ausdehnung:	Noad-Süd: 22,4 km West-Ost: 30,0 km
Hechsta Punkt:	542 m {Hermannskogel)
Tiafsta Punkt:	151 m (Lobau)
Vawåitungsgliadarung
Bezirke:	1 Statutarståd 23 Bezirke
Gmeinden:	1
- davau Städte:	1
- davau Mårktgmeindn:	0
Kårtn: Wean und Gmeindebezirke
Beziake vau Wean
Wean auf an Satelitnfoto(da 19., 20. und 21. Bez. augschnittn)

Wean (Deitsch: Wien) is de Hauptståd, und zugleich a oa Bundeslaund vau Estareich. Se is mit 1.651.437 Einwohna (Staund 2005) de greste Ståd vau Estareich, sowoi vau de Leit, åis wiara vau da Flechn her gseng. Im Groußraum Wean lebm cirka 2 Millionen Menschn, des is a Virtl vau ålle Estareicha.

Wean is de dritte UNO-Ståd und da Sitz vau oa Haufn intanationale Organisationen, åis da warn de OPEC, OSZE oda de Intanationale Atomenagiebehörde IAEA. D' Åidståd vau Wean is im Dezemba 2001 vau da UNESCO zum Wöidkuiturerbm erklärt wordn.

Woazoachn vau Wean san da Steffl und 's Riesenradl im Pråda.

[dro werkln] Geografie

Wean håd oa Flechn vau 414.65 km² und is damit 's kloanste Bundeslaund vau Estareich. Außadem is es 's oanzige, wås koa Grenzn zua oan benåchbårtn Laund ned håd. Es håd quasi oan Sondastatus, wei 's Bundeslaund und Statutarståd auf oamoi is. Deswegn håd Wean a vau ålle Bundeslenda 'n greßtn Auntöi aun Vakehrs- und Bauflechn, gmessn aun da Greßn. 11.3% vau da gsaumtn Flechn san bebauts Laund, 11,1% san Flechn fian Stråssnvakehr und 2,2% san Gloaskerpa. Gleichzeitig is Wean owa a 's Bundeslaund mid de, relativ gsengn, moastn Gårtnflechn, de 28,4% vau da Ståd åusmåchn und netta 's Burnglaund håd an hechan Auntöi aun Wåssaflechn wia Wean (4,6%). Wean is a oans vau de viar Bundeslenda in Estareich, wo Wein aubaut wird, insgesaumt san 1,7% vau da Gesaumtflechn Weingartln. Wåid steht åuf 16,6% vau da Flechn und Laundwirtschåft wird åuf 15,6% vaum gaunzn Bundeslaund Wean betriebm.

[dro werkln] Låg

Dåss se Wean zua oana vau de wichtigstn und greßtn Sted in Mittleiropa entwüiggit håd, vadaunkt s' unta aundam da guadn geografischn Låg. De Stådt liegt zwischn de nordestlichn Ausleifa vau de Åipm, im nordwestlichn Bereich vaum Weana Beckn. De historische Ståd is urspringlich sidlich vau da Donau entstaundn, heit liegt 's Stådgebiet auf ålle zwoa Seitn vaum Fluss. Wean is entstaundn aun oam Kreizungspunkt vau åide Vakehrsstråssn in West- und Ost- (Donau) und Nord-Süd-Richtung (Berstoanstråss). De Donau håd se dåda leicht iwaquern låssn, wei se da Fluss im Weana Beckn in zåireiche Seitnårm mit lauta Insln dazwischn zatöit håt.

Seid 1989 da Eisane Vorhaung gfåin is, wåchsn de Vakehrs- und Wirtschåflichn Beziehungen zu de nerdlichn und estlichn Nåchbårn wieda aun. De geografische Nähad zum ehmåigen Ostblock måcht se a wida stårk bemerkbår. So is Wean zum Beispüi gråd 60 km vau Pressburg, da Hauptståd vau da Slowakei, wegga; so nahad beinaund san koane aundan zwoa Håuptsted in Eiropa ned.

[dro werkln] Laundschåft

Wean fum Lainza Diagoatn aus gseng

Vaum Weana Stådgebiet is netta a relativ kloana Autei zuabaut. Cirka de Höiftn vau Wean is greans Laund, oa greßana Töi wird a laundwirtschåftlich gnizt.

Da tiaftste Punkt vau Wean ist mid 151 m Meareshechn in da Lobau, da hechste is da Hermannkogöi mit 542 m. Dåda, im Nordwestn und umme im Westn und Sidwestn vau Wean glaungt da Weanawoid mid seine Gipfüin (Leopoidsberg, Kahlenberg) und seine Wöida bis ins Stådgebiet eini. De Donau kimmt durch de Weana Pfortn, des is oa Engstöi zwischm Leopoidsberg åuf 'n rechtn und 'm Bisamberg auf 'n linkn Uafa, nåch Wean eina. Vaum Weanawoid owa rinnan außadem oa Haufn kloane Fluss in d' Stådt eini, wo da bekaunteste vau dera da Weanfluss is. De Berg im Westn gengan in Sidn in eiszeitliche Terassn (Weanaberg, Láa Berg) umi. Des då gaunze Gebiet wird zum Wein aubaun gnumma und büidet de Weinbauregion Wean.

Da Ostn vau da Weanaståd is geprägt vau de flåchn Laundschåftn vaum Marchföid, de wås laundwirtschåftlich gnutz werdn. Im Sidostn san de Donauaun, oa Aulaundschåft entlaung vau da Donau, de wås zum Nationalpark erklärt wordn is.

De bessan Gegendn zum wohna san, wia a in aundare eiropeische Sted a, eha aum westlichn Raund gleng, hauptsechlich wei 's Wetta vaum Westn kimmt und de Luft durtn no saubara is. De åidn Industriegegendn lingan dageng ehenta am estlichn Raund vau da Ståd.