Zmei (Slawiese draak)

vanuit Wikipedia, die vrye ensiklopedie.

In die Slawiese mitologie word ’n draak onder meer zmei (Russies en Bulgaars), zmi (Ou Kerkslawies en Oekraïens), zmaj (Serwies, Kroaties, Bosnies en Sloweens) en żmij (Pools) genoem. Die meeste van dié woorde is die manlike vorm van woorde vir slang, wat gewoonlik vroulik is (soos zmeja in Russies).

[wysig] Oos-Slawies

In Rusland en die Oekraïne het ’n sekere draakagtige figuur, Zmei Gorinitsj, drie koppe. Hy is groen, loop op sy agterpote, het klein voorpote en spuug vuur. Volgens een bilina word Zmei Gorinitsj doodgemaak deur Dobrinja Nikititsj.

Ander Russiese drake (soos Toegarin Zmejewitsj) het Turkse name en simboliseer moontlik die Mongole en ander volke van die steppe. Sint Joris (George) (simbool van die Christendom) wat die draak (Satan) doodmaak, is op die stadswapen van Moskou. Sommige prehistoriese strukture, veral die Slangmuur naby Kiëf, word verbind met drake as simbole van ander volke.

Russiese drake het gewoonlik koppe in meervoude van drie. Party se koppe groei terug as al die koppe nie afgekap word nie.

[wysig] Suid-Slawies

In Sloweens word ’n draak zmaj genoem, hoewel ’n ou woord van onsekere afkoms, pozoj, ook soms gebruik word. Sloweense drake het gewoonlik negatiewe eienskappe. Hulle hou egter nie altyd gevaar vir die mens in nie. Die beste voorbeeld is die Ljubljana-draak, wat dié stad bewaak en op die stadswapen pryk.

In Macedonië, Kroasië, Bulgarye, Bosnië, Serwië en Montenegro word ’n draak zmaj, zmej of lamja genoem. Dit het 3, 7 of 9 koppe en spuug vuur. In Serwies en Bosnies word dit ook aždaja of aždaha genoem. Ala (in Serwies) of hala (in Bulgaars) is ’n vroulike draak, maar sy word gewoonlik as ’n aparte wese beskou.

Slawiese mitologie en folklore

Hoofgode Dazjbog • Jarilo • Marzjana • Peroen • Šiwa • Swjatowid • Swarog • Triglaf • Weles • Zarja • Die Zori Ander gode Belobog • Berstoek • Tsjernobog • Dziewona • Chors • Lada • Mat Zemlja • Mokosj • Oźwiena • Perperuna • Porenoet • Porewit • Porvata • Radogost • Rod • Roejewit • Stribog • Złota Baba Legendariese helde Aljosja Popowitsj • Basj-Tsjelik • Dobrinja Nikititsj • Ilja Moeromets • Iwan Tsarewitsj • Ljech, Tsjech en Roes • Libuše Magiese figure en plante Alkonost • Zjar-ptitsa (Vuurvoël) • Varingblom • Gamajoen • Raskownik • Simargl • Sirin • Zmei (Slawiese draak) Geeste en demone Ala • Baba Jaga • Bagiennik • Bannik • Bjes • Boginki • Boekawats • Domowoi • Drekawatz • Karzełek • Kikimora • Kosjtsjei • Poloednitsa • Lesji • Licho • Polewoi • Roesalka • Stoechatsj • Sudice • Wili (Slawiese feetjies) • Wodjanoi • Zdoechatsj