סאכאטשאוו

פֿון װיקיפּעדיע

סאכאטשאוו איז א חסידות וואס איז געגרינדעט אין ה'תרל"א דורך הרה"צ ר' אברהם בארנשטיין, דעם אבני נזר, אין דעם שטעטל סאכאטשאוו (שטעטל] אין קאנגרעס פוילן.

חסידות סוכטשוב היא חצר חסידית שמקורה מהעיר סוכטשוב, היא נוסדה בשנת 1870 על ידי חתנו של רבי מנחם מנדל מקוצק, הרב אברהם בורנשטיין.

רבי אברהם בארנשטיין איז געווען דער עלטסטער זון פון רבי זאב-נחום בארנשטיין, דער ביאלער רב, מחבר פון דעם ספר "אגודת אזוב", און אן איידעם פון דעם קאצקער רבי'ן (חתונה געהאט מיט זיין טאכטער שרה-צינא).

די ספרים פון די סאכאטשאווער רבי'ס: אבני נזר, אגלי טל אויף ל"ט מלאכות שבת און שם משמואל אויף חמשה חומשי תורה און ימים טובים על פי דרך חסידות, זענען גוט באקאנט צווישן לומדים. א גרויסער פראיעקט פון היינטיגער סאכאטשאווער חסידים איז מאורות.

סאכאטשאווער רבי'ס:

הרב אברהם בארנשטיין - מחבר פון "אבני נזר" און "אגלי טל". ליגט אין דעם בית החיים אין סאכאטשאוו. יארצייט: י"א אדר.
- הרב שמואל בארנשטיין - זון פון רבי אברהם ומחבר פון "שם משמואל". נפטר אין אטוואצק, ליגט לעבן זיין פאטער אין סאכאטשאוו. יארצייט: כ"ד טבת.
  - הרב דוד בורנשטיין - זון פון רבי שמואל, געמארדעט אין דעם חורבן אין דער ווארשאווער געטא, ליגט אין ווארשע. מחבר פון "חסדי דוד".
  - הרב חנוך העניך בארנשטיין - ברודער פון רבי דוד, מייסד פון בית מדרש סאכאטשאוו אין ירושלים.
    - הרב מנחם שלמה בארנשטיין - זון פון רבי חנוך העניך, געקריינט אלס סאכאטשאוו-ראדומסקער רבי נאך זיין פאטער'ס פטירה אין ה'תשכ"ה, געהרג'ט אין א פארקער-צוזאמענשטויס אין ה'תשכ"ט. האט געלערנט אין "כנסת חזקיהו" ישיבה אין כפר חסידים. האט אויפגעשטעלט א ישיבה אויפן נאמען פון זיין זיידן דעם "אבני נזר" אין ירושלים, געווען רב פון יד אליהו אין תל אביב.
      נאך זיין פטירה, במשך 18 יאר, איז נישט געווען קיין סאכאטשאווער רבי, ביז מען האט מכתיר געווען זיין זון רבי שמואל-יצחק.
      - הרב שמואל יצחק בארנשטיין - זון פון רבי מנחם שלמה, היינטיגער סאכאטשאווער רבי. ער וואוינט אין בית-וגן געגנט אין ירושלים.
  - הרב אהרן ישראל בארנשטיין, זון פון רבי שמואל (נישט געדינט אלס רבי), מחבר פון ספר „נאות הדשא"