Betchteu waibe

Èn årtike di Wikipedia.

Waitroûlêye d' on betchteu d' waibes (Mozilla Firefox)

On betchteu d' waibes u, pus coûtmint, on betchteu waibe, c' est on programe ki dene l' ådjeu a voste éndjole d' aler loukîz totes les waibes k' i gn a sol Daegntoele.

Aler betchter so totes les waibes avou ç' programe la si dit "cibernaivyî" (kécfeye di cåze di l' essegne di "Netscape", on vierna u "ciberrôbaler". Li ci ki passe si tins a ça si lome on (ene) "cibernaivieu(se)" u "ciberrôbaleu(se)".

Alez s' vey e splitchant motî po des linwincieusès racsegnes so les mots "betchteu", "waibe", cibernaivyî et ciberrôbaler.

[candjî] Istwere des betchteus d' waibes

Onk des prumîs betchteus d' waibes, ci fourit "Netscape Navigator", k' a basti ene societé comerciåle foirt florixhante (diviè 1995). Si essegne, c' esteut on vierna d' batea.

Après, gn ourit l' "betchteu då Bill" ("Internet Explorer"), ki vna ototmaricmint aclapé å sistinme d' operance "Windows 2000" da Microsoft.

Diviè 2005, li societé "Netscape" a stî ratchtêye, et ses vîs programes ridiswalpés come libes programes. Li betchteu si lome "Mozilla Firefox".

[candjî] Ratournaedje e walon des betchteus

Onk des prumîs ratournaedjes e walon d' on betchteu waibe (emantchî pa Pablo Sarachaga diviè 1999.

Li prumire modêye do betchteu "Netscape" a-z aveur sitî ratournêye e walon, ci fourit li 4.08.

C' est Pablo Sarahaga k' a bråmint bouté so les rashiaedjes e walon des betchteus waibes. E 2007, i ratourna cåzu tot l' betchteu Mozilla.

Li betchteu waibe Konqueror (dizo l' evironmint d' sicribanne KDE divins Linux) a stî ratourné ås troes cwårts e 2007 et 2008 pa Djan Cayron sol båze di l' ovraedje dedja fwait pa Pablo Sarachaga eyet Lorint Hendschel.